October 14, 2010

சில சந்தோஷங்கள் + சில வருத்தங்கள்

இந்த ஓரிரு நாட்களில் மனசைப் பாதித்த சில விஷயங்கள்.. சந்தோஷங்களும் வருத்தங்களும்


மனசை நெகிழ்ச்சிப் படுத்தி மகிழ வைத்த விடயம் - சிலி சுரங்கத் தொழிலாளர்கள் மீட்பு


இரு மாதங்களாக நிலத்தின் கீழ் 700 மீட்டர் ஆழத்தில் சிக்குண்டிருந்த 33 தொழிலாளர்களையும் பத்திரமாக மீட்டெடுக்க நடத்தப்பட்ட பெரு முயற்சி உண்மையில் மனிதாபிமானத்தின் வெற்றியே தான்.


இந்த முயற்சியின் முக்கிய தருணங்கள் ஒவ்வொன்றையும் தொலைக்காட்சியில் நேரடியாகப் பார்த்துக் கொண்டிருந்தபோது அதன் ஆபத்தும் கொஞ்சம் சறுக்கினாலும் உயிர்கள் போய்விடக் கூடிய சிக்கலும் உணரக் கூடியதாக இருந்தது.


எனது விடியல் நிகழ்ச்சி மூலமாக நேற்றுக் காலையில் முதலாவது நபர் மீட்கப்பட்டதை மகிழ்ச்சியோடு நேயர்களுக்கு அறிவித்தேன்.
இன்று காலை செய்தியறிக்கைக்கு முன்பதாக 33  வது நபர் பத்திரமாக பூமிப்பரப்புக்கு திரும்பிய தகவலையும் நானே அறிவிக்கக்கூடிய வாய்ப்புக் கிடைத்தது.


இந்த மீட்பு நடவடிக்கையின் இறுதிக் கட்டமாக கீழே சென்று சுரங்கத் தொழிலாளர்களைக் காப்பாற்றி மேலே அனுப்பி வைத்த மீட்புப் பணியாளர்கள் அறுவரும் மேலே வரும் வரை மனசு பதைபதைத்துக் கொண்டிருந்தது.
ஒவ்வொருவராக ஒருவர் மட்டுமே வரக் கூடியதான அந்த சிறு கொள்கலன் (Phoenix Capsule) மூலமாக மேலே வந்தபோதெல்லாம் நிலைகொள்ள முடியாத ஒரு உணர்வு.


கூடி இருந்த மக்கள்,ஊழியர்கள், முக்கியமாக இந்த மீட்பு நடவடிக்கையை நேரில் வந்து மேற்பார்வை செய்து தானும் உணர்வுகளில் பங்கெடுத்த சிலியின் ஜனாதிபதி செபஸ்டியன் பினேரா ஆகியோரைப் பார்த்தபோது ஒவ்வொருவரும் எவ்வளவு தூரம் மனத்தால் இந்த மீட்பு நடவடிக்கையோடு இணைந்த்திருந்தார்கள் எனப் புரிந்தது.


சிக்குண்டிருந்த ஒவ்வொருவரும் மீட்கப்பட்டு வெளியே வந்த நேரம் மக்கள் அடைந்த உற்சாகம் தாங்களே அல்லது தங்கள் உறவினர்களோ வந்ததாக எழுப்பிய மகிழ்ச்சிக் குரல்களும் பாடிய பிரார்த்தனைப் பாடல்களும் மனிதாபிமானத்தை சத்தமாக சொல்லின.


சிலியின் ஜனாதிபதி ஒவ்வொருவரையும் ஆரத் தழுவி வரவேற்றதும் ,அவரது உணர்ச்சிமிக்க உரையும் இறுதி நபர் வெளியேறும் வரை காத்திருந்ததும் உணர்ச்சிப் பெருக்கால் கலங்கிய கண்களும் உண்மையான மக்கள் தலைவராக அவர் மேல் மதிப்பை உயர்த்தியுள்ளது.
                  முதலாவது தப்பியவரை ஆரத்தழுவும் அன்புத் தலைவன்.. 
Chile's President Sebastian Pinera embraces miner Florencio Antonio Avalos Silva after he was rescued from the collapsed San Jose gold and copper mine where he was trapped with 32 other miners for over two months near Copiapo in Chile. (AP Photo)


மீட்பு என்றால் இது தான்.. யாரொருவருக்கும் எந்த இழப்பும் வராமல்,நம்பிக்கை இழக்காமல் அத்தனை பேரையும் மீட்டு உலகையே ஆச்சரியப்படுத்தியுள்ளார்கள்.
அவர்கள் அத்தனை பேருக்கும் குறிப்பாக தம் உயிரையும் பணயம் வைத்துக் கீழிறங்கி பொறுமையாக 33 பேரையும் மேலே அனுப்பிவிட்டு தாம் இறுதியாக வந்தார்களே.. அந்த அறுவருக்கும் ஒரு ராஜ வணக்கம்.


அதிலும் இறுதியாக மேலே வந்த மீட்பர்(இப்படி சொன்னாலும் தப்பில்லையே?) சுரங்கத்திலிருந்து புறப்படும்போதும்,மேலே வந்து காட்டிய திருப்தி கலந்த முகபாவம் ஒரு மொழி கடந்த கவிதை.


ஒவ்வொரு மனித உயிரின் மதிப்பையும் உணர்த்திய சிலி எங்கே? நாம் எங்கே?


உயிர்களின் மதிப்பு எமக்குத் தெரிவதில்லை.
உயிர்கள் மிக மலிவான இடங்களில் நாம் வாழ்ந்துகொண்டிருக்கிறோம் என்று நினைக்கும்போது மனம் நொந்துபோகிறது.


இதே சுரங்க அனர்த்தம் இலங்கையில் நடந்திருந்தால்?
நினைக்கவே பயமாக இருக்கிறது..
இந்த 33 பேரும் காணாமல் போனோரின் பட்டியலில் சேர்ந்திருப்பார்களோ? அல்லதுஉள்ளேயே கதை முடிந்திருக்குமோ?

அண்மையில் வாசித்த பள்ளிச் சிறுமி ஒருத்தியின் கொலை.
தந்தையே துன்புறுத்தி,வதைத்துக் கொன்றானாம்.


நேற்று தலவாக்கலையில் அணைக்கட்டின் மேல் இறந்துகிடந்த வாலிபன்.


கிளிநொச்சியில் இரு தற்கொலைகள்.. மீளக் குடியேறியோரின் மன விரக்தியின் அளவு அதிகரித்துக்கொண்டே போவதாக தகவல்கள் கூறுகின்றன.


இன்றைய சிலி சுரங்க மீட்பானது எனது மனது முழுவதும் இனம்புரியாத உற்சாகம்,மகிழ்ச்சியைத் தந்துள்ளது.
உயிர்கள் காப்பற்றப்ப்படும்போது ஏற்படும் இவ்வாறான மகிழ்ச்சி ஏன் எல்லோருக்கும் இருப்பதில்லை?


முதலாவது சுரங்கத் தொழிலாளி வெளியே மீட்கப்படும் காட்சி..





இந்த நிகழ்வோடு ஒப்பிடும்போது மிக சிறிய அளவிலான சில மகிழ்ச்சிகள்+வருத்தங்கள்...


மகிழ்ச்சிகள்..


இலங்கை குத்துச்சண்டை வீரர் மஞ்சு வன்னியாராச்சியின் தங்கப் பதக்க வெற்றி..
அவர் காட்டிய போராட்ட குணம்+விடா முயற்சி.. வென்ற பிறகு அவரில் தெரிந்த பெருமிதம்.
                                                         72 வருடங்களுக்குப் பின்னர் குத்துச் சண்டையில் தங்கம் 


37 வயதிலும் இளைஞரைஎல்லாம் தூக்கி சாப்பிடும் உற்சாகத்துடனும் உடல்வலுவுடனும் சாதனை மேல் சாதனையும் சதங்களும் குவித்துவரும் சச்சின் டெண்டுல்கர்.


எந்திரனில் வந்த சிட்டியுடன் ஓட்டக் குவிப்பில் சச்சினைப் போட்டியிட வைத்தாலும் சச்சின் ஜெயிப்பார் என்று இப்போது அவர் இருக்கும் form ஐப் பார்க்கையில் எண்ணத் தோன்றுகிறது.
அவரது ஆறாவது இரட்டை சதத்தை மகள் சாராவுக்குப் பிறந்த நாள் பரிசாக வழங்கியது அற்புதம்.
                                  கிரிக்கெட் உலகில் இரு தசாப்தங்களுக்குப் பிறகும் இன்னும் அசுர பசியுடன்.. 


இந்த அபார ஓட்டக் குவிப்பு சச்சினை நீண்ட காலத்துக்குப் பின்னர் (டெஸ்ட் துடுப்பாட்ட தரப்படுத்தலில் முதலிடத்துக்குக் கொண்டுவந்துள்ளது.
ஓய்வு பெற முதல் தனது சாதனையை இன்னொருவர் இனி எட்ட முடியாத ஒரு இடத்தில் கொண்டுபோய் வைத்துவிடுவார் போலத் தெரிகிறது.
நான் சச்சினின் ரசிகன் அல்லன். ஆனாலும் இந்த வயதிலும் அடித்தாடும் அவரது ஆற்றல் அசர வைக்கிறது.


எனக்குப் பிடித்த முரளி விஜயின் கன்னி சதம்.
விஜய் விளையாடிய (நான் பார்த்த)முதல் போட்டியிலேயே (சென்னை அணிக்காக விளையாடிய ரஞ்சி கிண்ணப் போட்டி ஒன்று என நினைக்கிறேன்) அவரது அணுகுமுறையும் தன்னம்பிக்கையும் பிடித்திருந்தன.
கிடைக்கும் வாய்ப்புக்களை எல்லாம் பயன்படுத்தி ஜொலிக்கிறார்.




பங்களாதேஷின் வெற்றியும் கலக்குகின்ற ஷகிப் அல் ஹசனும். தலைமைப் பதவி மீண்டும் வந்தவுடன் ஜொலிக்கிறார்.
இன்றும் சதமடித்துள்ளார்.
இன்றும் வங்கப் புலிகள் வெல்வர் போலத் தெரிகிறது.
வென்றால் சரித்திரம்.


வருத்தங்கள்..


                                                                          வேதனையும் சாதனையும்.. 


ஆஸ்திரேலிய அணியின் தொடர் தோல்வி.
எப்படி இருந்தவர்கள்????
இந்தியாவில் தொடர்ந்து பிரகாசிக்கத் தவறிய பொன்டிங் இம்முறை சிறப்பாகத் துடுப்பெடுத்தாடியும் தலைவராக அவரால் சாதிக்க முடியாமை.


என் செல்ல மகனுக்காக அவன் ஆசைப்பட்டு நாம் வாங்கிவைத்த சிறிய கைக்கடிகாரம் ஒன்று எப்படியோ பொதியொன்றில் தவறியது.
இன்னும் அவன் அதை ஞாபகம் வைத்து எம்மிடம் கேட்பது.


நீண்ட காலத்துக்குப் பிறகு மீண்டும் கிரிக்கெட் விளையாடத்தொடங்கியுள்ளேன்(ளோம்). முன்பிருந்த அளவு கூட என் பந்துவீச்சு சீராக இல்லை.வயது ஏறுகிறதோ?


ஆனால் களத்தடுப்பு+துடுப்பாட்டத்தில் அது பெரிதாகத் தெரியவில்லையே,..
(மானத்தை வாங்குகிற மாதிரி நோ கொமென்ட்ஸ் ப்ளீஸ்.. ஹீ ஹீ)



31 comments:

ம.தி.சுதா said...

எனக்குத் தன் சுடு சோறு

Subankan said...

//உயிர்களின் மதிப்பு எமக்குத் தெரிவதில்லை.
உயிர்கள் மிக மலிவான இடங்களில் நாம் வாழ்ந்துகொண்டிருக்கிறோம் என்று நினைக்கும்போது மனம் நொந்துபோகிறது//

:((

(ஸ்மைலி சுபாங்கன் றிட்டர்ண்ஸ்)

அஸ்பர்-இ-சீக் said...

அந்த நல்ல செய்தியை நீங்கள் சொல்லும் போது நானும் கேட்டுக் கொண்டிருந்தேன்..

நாங்களும் க்ரிகட் விளையார்ரம் (Ball அ ஒரு சொக்சில கட்டிவைத்து)

ம.தி.சுதா said...

/////ஒவ்வொரு மனித உயிரின் மதிப்பையும் உணர்த்திய சிலி எங்கே? நாம் எங்கே?////
உண்மை தான் அண்ணா.. காலை தங்களின் குரலில் கேட்டென்.. (இன்று யாழ்ப்பாணத்தில் வழமையான இடத்தில் கேட்க முடியல பழைய பல்லவி தான்... !!!!!ஒலியைக் கூட்டி விட்டு கூரை மேல் வைத்து விடுவது!!!!)

தங்களின் கிரிக்கேட் பிரவேசம் சந்தோசமாக உள்ளது உங்க பழைய போட்டி ஒன்றின் கொமண்டறியெ கேட்டக் கொண்டிருந்தவங்க நாங்க (இடத்தின் பெயர் சொல்லத் தேவையில்லை என நினைக்கிறேன்)34 அடிச்சிங்களெ நினைவிருக்கா...??? அட 2 விக்கேட் எடுத்ததை சொல்ல மறந்திட்டேன்...

நிரூஜா said...

//இந்த மீட்பு நடவடிக்கையின் இறுதிக் கட்டமாக கீழே சென்று சுரங்கத் தொழிலாளர்களைக் காப்பாற்றி மேலே அனுப்பி வைத்த மீட்புப் பணியாளர்கள் அறுவரும் மேலே வரும் வரை மனசு பதைபதைத்துக் கொண்டிருந்தது.
ஒவ்வொருவராக ஒருவர் மட்டுமே வரக் கூடியதான அந்த சிறு கொள்கலன் (Phoenix Capsule) மூலமாக மேலே வந்தபோதெல்லாம் நிலைகொள்ள முடியாத ஒரு உணர்வு.

ம்....!

Bavan said...

//ஒவ்வொரு மனித உயிரின் மதிப்பையும் உணர்த்திய சிலி எங்கே? நாம் எங்கே?//

:(

//72 வருடங்களுக்குப் பின்னர் குத்துச் சண்டையில் தங்கம் //

ஜயவேவா..:)

//ஆஸ்திரேலிய அணியின் தொடர் தோல்வி. எப்படி இருந்தவர்கள்?//

அண்ணே ஆஷசிலும் அவுஸ் மீது உள்ள உங்கள் நம்பிக்கையை தவறவிட்டுவிடாமல் தொடர்ந்து ஆஸிக்கே சப்போட்டவும்..(ஆஸசில் நான் இங்கிலாந்துக்கு சப்போர்ட் அதான்..:P)

//நீண்ட காலத்துக்குப் பிறகு மீண்டும் கிரிக்கெட் விளையாடத்தொடங்கியுள்ளேன்(ளோம்)//

NO COMMENTS...:P

கன்கொன் || Kangon said...

சிலி மீட்பு: ஆமாம். விடியல் கேட்டுக்கொண்டிருந்தபோது ஒவ்வொருவரை மீட்கும்போதும் நீங்கள் சொல்லியபோது உங்கள் குரலில் தெரிந்த மகிழ்ச்சி காட்டியது.
மிகவும் மகிழ்ச்சியாக உணர்ந்தேன்.

இலங்கை - இலங்கையில் சிலி மீட்புப் பணியாளர்களை விட சிறந்த பணியாளர்கள், அர்ப்பணிப்பாளர்கள் இருக்கிறார்கள் என்று நினைக்கிறேன், ஆனால் எம் நாட்டில் இருக்கிற 95 வீத நல்ல மனிதர்களும், புத்திசாலிகளும் மீதி 5 வீதத்தினரால் மறைக்கப்பட்டு, மறுக்கப்பட்டு எம் நாட்டுப் பெருமை எமக்கே தெரியுதில்லை.


மஞ்சு வன்னியராய்ச்சி - மகிழ்ச்சி...
தன்னம்பிக்கை மிகுந்தவராக தன்னை வெளிப்படுத்திக்கொண்டார்.
பெரிதாகப் பிடிக்காத விளையாட்டு என்றாலும் தங்கப் பதக்கம் கிடைத்தமை மகிழ்ச்சி....


சச்சின்: ம் ம்... மனிதர் கலக்குகிறார்.
எல்லோரும் செவாக்கை கடந்த தொடரின் தீர்மானிப்பாளராக கணித்திருந்த நிலையில் மனிதர் தன்னை யாரென்று காட்டிக் கொண்டார்.
சச்சின் - சகாப்தம்.


முரளி விஜய் - ஹி ஹி...
எனக்கு முரளி விஜயைப் பெரிதாகப் பிடிக்காது. :P
ஆனால் அழகாக ஆடியிருந்தார்.
முரளி விஜய் ஒரு கமல்ஹாசன் இரசிகர்... அதனாலும் பிடிக்குமோ? ;-)


பொன்ரிங் - ஆமாம்.
ஆஷஷின் பின்னர் மாற்றம் ஏதும் வருமா?
கிளார்க் இன் form ஐப் பார்த்தால் அணித்தலைமைக்கு வெற்றிடம் வரும் போலிருக்கிறது.
ஷேன் வொற்சன்?
ஆஷஷை வென்றுகொடுத்த பின் பொன்ரிங் தலைமைப் பொறுப்பிலிருந்து ஓய்வபெறுவார் என்று நான் கணிக்கிறேன்.
பார்ப்போம்...


மகன்: நீங்கள் டொம்மா... ;-)
இன்னொன்று வாங்கிக் கொடுங்கள்...
பாவம் தானே....

கிறிக்கற்: இக்கி இக்கி...
பந்துவீச்சில் சில தொழிநுட்ப விடயங்கள் பிழையாக இருக்கிறது.
பயிற்சிக்கு வந்தால் சரிப்படுத்தலாம்.

// வயது ஏறுகிறதோ? //

சா சா...
உங்கள் வயதில் சனத் ஜெயசூரியா இன்னமும் ஓரளவுக்கு நன்றாகவே பந்துவீசுகிறாரே அண்ணா? ;-)

******
பதிவை இரசித்தேன்.
நான் உணர்ந்த/இரசித்த விடயங்களை இன்னொருவர் தனக்குப் பிடித்ததாக எழுதும்போது ஒருவித மகிழ்ச்சி...

நீங்களும் சச்சின்தான். :-)

யோ வொய்ஸ் (யோகா) said...

சிலி மீட்பு நடவடிக்கை பார்த்து புல்லரித்து போனேன், ரன்னிங் கமெண்ட்ரி போல் தொடர்ந்து விடியலில் அறிவிப்பு செய்தமைக்கு நன்றிகள் பல கோடி. மேலே வந்தவர்களை கண்டவுடன் அவர்களது உறவினர்களை போல நானும் மகிழ்வடைந்தேன்

நம் நாட்டு தங்க மகன் மஞ்சு வன்னியாராச்சிக்கு எனது வாழ்த்துகள்.

//நான் சச்சினின் ரசிகன் அல்லன். ஆனாலும் இந்த வயதிலும் அடித்தாடும் அவரது ஆற்றல் அசர வைக்கிறது.// ரிப்பீட்டு

ஷகிப் அல் ஹசன் பங்களாதேசுக்கு கிடைத்த புதையல், அவரால் அடுத்த உலக கிண்ண போட்டிகளில் பங்களாதேசுக்கு பல முன்னேற்றங்களை கொண்டு வரலாம்

Punter கடைசியாக விளையாடிய இன்னிங்க்ஸ் மிக அருமை, பாவம் அதை அவரால் வெற்றிக்கு பயன் படுத்த முடியவில்லை. அட்டாக்கிங் கேப்டன் ஆக இருதவர் இப்போது defensive ஆக இருக்கிறார், ஏனோ தெரிய வில்லை.???


(மானத்தை வாங்குகிற மாதிரி நோ கொமென்ட்ஸ் ப்ளீஸ்.. ஹீ ஹீ) நோ கமெண்ட்ஸ்

மைந்தன் சிவா said...

முக்கியமாக சிலி ப்ரெசிடென்ட் ஸ்பாட்'டுகே வந்து நின்று அனைவரையும் ஊக்குவித்தது சிறப்பு!!
அதிலும் இரண்டாவதாக வந்தவர் காரீய கட்டிகளை கொண்டு வந்து கொஞ்சப்பேருக்கு கொடுத்தார்..காமெடி felo !!

மைந்தன் சிவா said...

ஆனா நீங்க அண்டைக்கு duck 'காமே ??உண்மையா அண்ணே??

எஸ்.கே said...

தொகுப்பு நன்றாஅ உள்ளது!

Vijayakanth said...

enga vilaiyaadureenga nu sonnaa naangalum wanthu wilaiyaaduvom la

sinmajan said...

அர்ப்பணிப்பான உணர்வு பூர்வமான மீட்புப்பணி அது ..

Rajasurian said...

சிலி மீட்பு நடவடிக்கை நல்லபடியாய் முடிந்ததிலும் குடிமக்களின் உயிரை மதிக்கும் தலைவர் ஒருவரைக் கண்டதிலும் மகிழ்ச்சி

தொடரை இழந்த பொன்டிங்கை போல நாதன் ஹாரிட்ஸ்சும் வருத்தம் தந்தார்.
தொடரில் பெரிதாக சாதிக்காததும் அணி தலைவருடன் முரண்பட்டதும் ஆஷஸ் தொடரில் அவர் மீதான அழுத்தத்தை கடுமையாக அதிகரிக்கும் என என்னுகிறேன் .
ஆஷஸ் தொடரின் மீது எதிர்பார்ப்பு கூடுகிறது.

Anuthinan S said...

//மீட்பு என்றால் இது தான்.. யாரொருவருக்கும் எந்த இழப்பும் வராமல்,நம்பிக்கை இழக்காமல் அத்தனை பேரையும் மீட்டு உலகையே ஆச்சரியப்படுத்தியுள்ளார்கள்.
அவர்கள் அத்தனை பேருக்கும் குறிப்பாக தம் உயிரையும் பணயம் வைத்துக் கீழிறங்கி பொறுமையாக 33 பேரையும் மேலே அனுப்பிவிட்டு தாம் இறுதியாக வந்தார்களே.. அந்த அறுவருக்கும் ஒரு ராஜ வணக்கம்.//

ஒரு உண்மையை பலருக்கு சொல்லி இருக்கீங்க அண்ணா!!!

// 72 வருடங்களுக்குப் பின்னர் குத்துச் சண்டையில் தங்கம் //

உண்மையில் வாழ்த்துக்கள்

//நான் சச்சினின் ரசிகன் அல்லன். ஆனாலும் இந்த வயதிலும் அடித்தாடும் அவரது ஆற்றல் அசர வைக்கிறது.//

எனக்கும் எனக்கும்

//இன்றும் வங்கப் புலிகள் வெல்வர் போலத் தெரிகிறது.
வென்றால் சரித்திரம்//

வென்று சரித்திரம் படைத்து விட்டார்கள்!!! உலக கிண்ணம் நெருங்கும் வேளையில் இவர்களின் திறமை கவனிக்கக் பட கூடியதாக மாறுமா??? என்பது அடுத்த தொட்ர்களில்தான் தெரியும்


//என் செல்ல மகனுக்காக அவன் ஆசைப்பட்டு நாம் வாங்கிவைத்த சிறிய கைக்கடிகாரம் ஒன்று எப்படியோ பொதியொன்றில் தவறியது.
இன்னும் அவன் அதை ஞாபகம் வைத்து எம்மிடம் கேட்பது.//

மீண்டும் ஒன்று வாங்கி கொடுத்து சரி செய்து விடுங்கள் அண்ணா!!

//நீண்ட காலத்துக்குப் பிறகு மீண்டும் கிரிக்கெட் விளையாடத்தொடங்கியுள்ளேன்(ளோம்). முன்பிருந்த அளவு கூட என் பந்துவீச்சு சீராக இல்லை.வயது ஏறுகிறதோ?
//

எவ்வளவோ பன்னுறம் இத பண்ண மாட்டோமா????

Vijayakanth said...

Chille country and it's president really inspired the world. People may say that president was present there TO ADVERTISE HIMSELF.. but no he was not, That could be seen in his body language and the emotions around the place.

The special thing is we feel so happy when the miners come out....A real humanity mission which succeeded at last...In other countries if a leader does a thing like this.. then definitely posters and cut-outs would be seen all over the places...example our country :P

INDIA WON..... Hurrah......!

Shall we have another bet on Sunday for India Vs Aus series... You can have a try to win a watch for your son from me... but it will happen if u support India and me support Australia only :P

LOSHAN said...

ம.தி.சுதா said...
எனக்குத் தன் சுடு சோறு//

ஓ.. மீ த பர்ஸ்ட்டா? ;)


====================

Subankan said...
//உயிர்களின் மதிப்பு எமக்குத் தெரிவதில்லை.
உயிர்கள் மிக மலிவான இடங்களில் நாம் வாழ்ந்துகொண்டிருக்கிறோம் என்று நினைக்கும்போது மனம் நொந்துபோகிறது//

:((

(ஸ்மைலி சுபாங்கன் றிட்டர்ண்ஸ்)//

:o

LOSHAN said...

அஸ்பர்-இ-சீக் said...
அந்த நல்ல செய்தியை நீங்கள் சொல்லும் போது நானும் கேட்டுக் கொண்டிருந்தேன்..//

:)

நாங்களும் க்ரிகட் விளையார்ரம் (Ball அ ஒரு சொக்சில கட்டிவைத்து)//

தனியவா? ;)


===================

ம.தி.சுதா said...
/////ஒவ்வொரு மனித உயிரின் மதிப்பையும் உணர்த்திய சிலி எங்கே? நாம் எங்கே?////
உண்மை தான் அண்ணா.. காலை தங்களின் குரலில் கேட்டென்.. (இன்று யாழ்ப்பாணத்தில் வழமையான இடத்தில் கேட்க முடியல பழைய பல்லவி தான்... !!!!!ஒலியைக் கூட்டி விட்டு கூரை மேல் வைத்து விடுவது!!!!)//

வழமை தானே.. :)



தங்களின் கிரிக்கேட் பிரவேசம் சந்தோசமாக உள்ளது உங்க பழைய போட்டி ஒன்றின் கொமண்டறியெ கேட்டக் கொண்டிருந்தவங்க நாங்க (இடத்தின் பெயர் சொல்லத் தேவையில்லை என நினைக்கிறேன்)34 அடிச்சிங்களெ நினைவிருக்கா...??? அட 2 விக்கேட் எடுத்ததை சொல்ல மறந்திட்டேன்...//

அட அட என்ன ஒரு ஞாபக சக்தி.. நன்றி :)

LOSHAN said...

நிரூஜா said...
//இந்த மீட்பு நடவடிக்கையின் இறுதிக் கட்டமாக கீழே சென்று சுரங்கத் தொழிலாளர்களைக் காப்பாற்றி மேலே அனுப்பி வைத்த மீட்புப் பணியாளர்கள் அறுவரும் மேலே வரும் வரை மனசு பதைபதைத்துக் கொண்டிருந்தது.
ஒவ்வொருவராக ஒருவர் மட்டுமே வரக் கூடியதான அந்த சிறு கொள்கலன் (Phoenix Capsule) மூலமாக மேலே வந்தபோதெல்லாம் நிலைகொள்ள முடியாத ஒரு உணர்வு.

ம்....!//

ம்ம்

================

Bavan said...


//ஆஸ்திரேலிய அணியின் தொடர் தோல்வி. எப்படி இருந்தவர்கள்?//

அண்ணே ஆஷசிலும் அவுஸ் மீது உள்ள உங்கள் நம்பிக்கையை தவறவிட்டுவிடாமல் தொடர்ந்து ஆஸிக்கே சப்போட்டவும்..(ஆஸசில் நான் இங்கிலாந்துக்கு சப்போர்ட் அதான்..:P)//

ஓ..ஆனால் காலம் மாறுது தம்பி.. பிறகு கவலைப்படுவீங்க..

பீட்டர்சன் இருக்கும்வரை எமக்கு கவலை இல்லை.




//நீண்ட காலத்துக்குப் பிறகு மீண்டும் கிரிக்கெட் விளையாடத்தொடங்கியுள்ளேன்(ளோம்)//

NO COMMENTS...:P //

உன் NO COMMENTS தானே வம்பு ;)

LOSHAN said...

கன்கொன் || Kangon said...
சிலி மீட்பு: ஆமாம். விடியல் கேட்டுக்கொண்டிருந்தபோது ஒவ்வொருவரை மீட்கும்போதும் நீங்கள் சொல்லியபோது உங்கள் குரலில் தெரிந்த மகிழ்ச்சி காட்டியது.
மிகவும் மகிழ்ச்சியாக உணர்ந்தேன்.//

:) உண்மையில் மிகுந்த மகிழ்ச்சியாக இருந்தது. அதை அப்படியே எல்லோருடனும் பகிர்ந்துகொண்டேன்.



இலங்கை - இலங்கையில் சிலி மீட்புப் பணியாளர்களை விட சிறந்த பணியாளர்கள், அர்ப்பணிப்பாளர்கள் இருக்கிறார்கள் என்று நினைக்கிறேன், ஆனால் எம் நாட்டில் இருக்கிற 95 வீத நல்ல மனிதர்களும், புத்திசாலிகளும் மீதி 5 வீதத்தினரால் மறைக்கப்பட்டு, மறுக்கப்பட்டு எம் நாட்டுப் பெருமை எமக்கே தெரியுதில்லை.//

சரி தான். :(



முரளி விஜய் - ஹி ஹி...
எனக்கு முரளி விஜயைப் பெரிதாகப் பிடிக்காது. :P //

நிறையப் படம் காட்டுவதாலா? அது aggression தம்பி :)


ஆனால் அழகாக ஆடியிருந்தார்.//

நிதானமாகவும்.


முரளி விஜய் ஒரு கமல்ஹாசன் இரசிகர்... அதனாலும் பிடிக்குமோ? ;-)//

அப்படியா? இது புதிய தகவல் :)




பொன்ரிங் - ஆமாம்.
ஆஷஷின் பின்னர் மாற்றம் ஏதும் வருமா?//

தோற்றால் வரும். ஆனால் தோற்றால் தானே? (நம்பிக்கை.. not over confidence )


கிளார்க் இன் form ஐப் பார்த்தால் அணித்தலைமைக்கு வெற்றிடம் வரும் போலிருக்கிறது.//

அதான் யோசனை. விரைவில் இடம் போகும் போல இருக்கு..ஒருநாள் தொடரில் பிரகாசிக்க வேண்டும்.

ஷேன் வொற்சன்?//

நான் நினைக்கவில்லை. ஹாடின்? அல்லது தற்காலிகத் தெரிவாக கடிச்?


ஆஷஷை வென்றுகொடுத்த பின் பொன்ரிங் தலைமைப் பொறுப்பிலிருந்து ஓய்வபெறுவார் என்று நான் கணிக்கிறேன்.
பார்ப்போம்...//

அதே.. முதலில் வெல்வோம்.


மகன்: நீங்கள் டொம்மா... ;-)
இன்னொன்று வாங்கிக் கொடுங்கள்...
பாவம் தானே....//

ஒன்றில்லை. பல. ஆனால் அவனுக்கு அதனை மறக்க முடியவில்லை.



கிறிக்கற்: இக்கி இக்கி...
பந்துவீச்சில் சில தொழிநுட்ப விடயங்கள் பிழையாக இருக்கிறது.
பயிற்சிக்கு வந்தால் சரிப்படுத்தலாம்././

தங்களிடமா அனலிஸ்ட்? ;)



// வயது ஏறுகிறதோ? //

சா சா...
உங்கள் வயதில் சனத் ஜெயசூரியா இன்னமும் ஓரளவுக்கு நன்றாகவே பந்துவீசுகிறாரே அண்ணா? ;-)//

இதைவிட் ரெண்டு மூன்று கெட்ட வார்த்தையில் திட்டி இருக்கலாம்..

அதுக்கு முதலில் கணக்குப் படிக்க வீட்டுக்கு டியூஷன் வாரும் ;)



******
பதிவை இரசித்தேன்.
நான் உணர்ந்த/இரசித்த விடயங்களை இன்னொருவர் தனக்குப் பிடித்ததாக எழுதும்போது ஒருவித மகிழ்ச்சி...//

அதைப் பகிர்வதில் இருக்கும் மகிழ்ச்சியும் தனி தான்

நீங்களும் சச்சின்தான். :-)//

ஆகா.. என் உச்சி மண்டையிலே கிர் ஏங்குதே,,

LOSHAN said...

யோ வொய்ஸ் (யோகா) said...
சிலி மீட்பு நடவடிக்கை பார்த்து புல்லரித்து போனேன், ரன்னிங் கமெண்ட்ரி போல் தொடர்ந்து விடியலில் அறிவிப்பு செய்தமைக்கு நன்றிகள் பல கோடி. மேலே வந்தவர்களை கண்டவுடன் அவர்களது உறவினர்களை போல நானும் மகிழ்வடைந்தேன்//

:)



ஷகிப் அல் ஹசன் பங்களாதேசுக்கு கிடைத்த புதையல், அவரால் அடுத்த உலக கிண்ண போட்டிகளில் பங்களாதேசுக்கு பல முன்னேற்றங்களை கொண்டு வரலாம் //

ம்ம். வரவேண்டும்.ஆனால் மீண்டும் மோர்தசா குணம்பெற்று வர தலைவரை மாற்றி சொதப்புவார்களோ தெரியாது.



Punter கடைசியாக விளையாடிய இன்னிங்க்ஸ் மிக அருமை, பாவம் அதை அவரால் வெற்றிக்கு பயன் படுத்த முடியவில்லை. அட்டாக்கிங் கேப்டன் ஆக இருதவர் இப்போது defensive ஆக இருக்கிறார், ஏனோ தெரிய வில்லை.???//

எல்லாம் தொடர் தோல்விகள் செய்யும் வேலை.

நிதானமாக யோசிக்கிறார் இல்லை. டென்ஷன் ஆகிறார்.அதை முகத்தில் பிரதிபலிக்கவும் செய்கிறார். :(




(மானத்தை வாங்குகிற மாதிரி நோ கொமென்ட்ஸ் ப்ளீஸ்.. ஹீ ஹீ) நோ கமெண்ட்ஸ்//

எனக்குத் தேவை.. ;)]

LOSHAN said...

மைந்தன் சிவா said...
முக்கியமாக சிலி ப்ரெசிடென்ட் ஸ்பாட்'டுகே வந்து நின்று அனைவரையும் ஊக்குவித்தது சிறப்பு!!//
ஆமாம்.


அதிலும் இரண்டாவதாக வந்தவர் காரீய கட்டிகளை கொண்டு வந்து கொஞ்சப்பேருக்கு கொடுத்தார்..காமெடி felo !!//
:)


மைந்தன் சிவா said...
ஆனா நீங்க அண்டைக்கு duck 'காமே ??உண்மையா அண்ணே??//

அண்டைக்குன்னா என்டைக்குன்னு தெளிவா சொல்லுங்க தம்பி.. எத்தனை தரம் எடுத்திருப்போம்.. மறந்து போகுமில்ல.. ;)


=============

எஸ்.கே said...
தொகுப்பு நன்றாஅ உள்ளது!//

நன்றி சகோ



======================

Vijayakanth said...

enga vilaiyaadureenga nu sonnaa naangalum wanthu wilaiyaaduvom la //


ஆ.. அதுக்குல்லாம் விசேட தெரிவு முறைகள் இருக்கு (சும்மா ஒரு பில்ட் அப் தான்)

தேடித் பிடிச்சு வாங்க பார்க்கலாம் ;)

LOSHAN said...

sinmajan said...
அர்ப்பணிப்பான உணர்வு பூர்வமான மீட்புப்பணி அது ..//

ம்ம்ம்ம் :)

====================

Rajasurian said...
சிலி மீட்பு நடவடிக்கை நல்லபடியாய் முடிந்ததிலும் குடிமக்களின் உயிரை மதிக்கும் தலைவர் ஒருவரைக் கண்டதிலும் மகிழ்ச்சி//

சரியாக சொன்னீர்கள்



தொடரை இழந்த பொன்டிங்கை போல நாதன் ஹாரிட்ஸ்சும் வருத்தம் தந்தார்.
தொடரில் பெரிதாக சாதிக்காததும் அணி தலைவருடன் முரண்பட்டதும் ஆஷஸ் தொடரில் அவர் மீதான அழுத்தத்தை கடுமையாக அதிகரிக்கும் என என்னுகிறேன் .//

ஆனால் அவர் மட்டுமே ஒரே ஒரு நம்பத் தகுந்த ஆஸ்திரேலிய சுழல் பந்துவீச்சாளர்.



ஆஷஸ் தொடரின் மீது எதிர்பார்ப்பு கூடுகிறது.//

எனக்கும் எனக்கும்

LOSHAN said...

Anuthinan S said...
//மீட்பு என்றால் இது தான்.. யாரொருவருக்கும் எந்த இழப்பும் வராமல்,நம்பிக்கை இழக்காமல் அத்தனை பேரையும் மீட்டு உலகையே ஆச்சரியப்படுத்தியுள்ளார்கள்.----------------------
----------------தாம் இறுதியாக வந்தார்களே.. அந்த அறுவருக்கும் ஒரு ராஜ வணக்கம்.//

ஒரு உண்மையை பலருக்கு சொல்லி இருக்கீங்க அண்ணா!!!//

சொல்ல வேண்டியதைத் தானே சொன்னேன் :)



//இன்றும் வங்கப் புலிகள் வெல்வர் போலத் தெரிகிறது.
வென்றால் சரித்திரம்//

வென்று சரித்திரம் படைத்து விட்டார்கள்!!! உலக கிண்ணம் நெருங்கும் வேளையில் இவர்களின் திறமை கவனிக்கக் பட கூடியதாக மாறுமா??? என்பது அடுத்த தொட்ர்களில்தான் தெரியும்//

ம்ம்ம்.. இனியும் முதிர்ச்சி அடையாவிட்டால் பயனில்லை.


//என் செல்ல மகனுக்காக அவன் ஆசைப்பட்டு நாம் வாங்கிவைத்த சிறிய கைக்கடிகாரம் ஒன்று எப்படியோ பொதியொன்றில் தவறியது.
இன்னும் அவன் அதை ஞாபகம் வைத்து எம்மிடம் கேட்பது.//

மீண்டும் ஒன்று வாங்கி கொடுத்து சரி செய்து விடுங்கள் அண்ணா!!//

ஒன்றல்ல பல கொடுத்தான் அவன் மனதில் அதை மறக்க முடியவில்லை.



//நீண்ட காலத்துக்குப் பிறகு மீண்டும் கிரிக்கெட் விளையாடத்தொடங்கியுள்ளேன்(ளோம்). முன்பிருந்த அளவு கூட என் பந்துவீச்சு சீராக இல்லை.வயது ஏறுகிறதோ?
//

எவ்வளவோ பன்னுறம் இத பண்ண மாட்டோமா????//

நம்பிக்கை தானே வாழ்க்கை. நேற்று மாலை கொஞ்சம் நல்லா பந்துவீசினதா நண்பர்ஸ் பேசிக்கொண்டார்கள். :)

LOSHAN said...

Vijayakanth said...
Chille country and it's president really inspired the world. People may say that president was present there TO ADVERTISE HIMSELF.. but no he was not, That could be seen in his body language and the emotions around the place.//
yeah. He showed how much he care for his people and i liked his speech afterwards.



INDIA WON..... Hurrah......!//
:)

Shall we have another bet on Sunday for India Vs Aus series... You can have a try to win a watch for your son from me... but it will happen if u support India and me support Australia only :P//

hahaha.. thats never gonna happen :)

கன்கொன் || Kangon said...

// ஒன்றில்லை. பல. ஆனால் அவனுக்கு அதனை மறக்க முடியவில்லை. //

ஆமாம்.
முதன்முதலாக கிடைப்பவற்றை மறக்க முடிவதில்லைத்தான்... #அப்பாவிகோயிந்து


முரளி விஜய் - http://www.cricinfo.com/page2/content/story/455754.html


Whose autograph did you desperately want as a youngster?
Kamal Hasan [Tamil cinema icon] was one actor I really wanted to meet when I was young. I am not a movie buff but I haven't missed any of his movies since my teen years.

LOSHAN said...

கன்கொன் || Kangon said...
// ஒன்றில்லை. பல. ஆனால் அவனுக்கு அதனை மறக்க முடியவில்லை. //

ஆமாம்.
முதன்முதலாக கிடைப்பவற்றை மறக்க முடிவதில்லைத்தான்... #அப்பாவிகோயிந்து//

ம்ம் விளங்குது.

குழந்தைகளைப் பற்றியே நாம் பேசுகிறோம்? நீங்கள் எப்படி கோயிந்து>? ;)


முரளி விஜய் - http://www.cricinfo.com/page2/content/story/455754.html


Whose autograph did you desperately want as a youngster?
Kamal Hasan [Tamil cinema icon] was one actor I really wanted to meet when I was young. I am not a movie buff but I haven't missed any of his movies since my teen years.//

ம்ம்ம்ம் முன்பு வாசித்த ஒரு பேட்டி.. கமல் பற்றி சொன்னதை மறந்துவிட்டேன்.

நன்றி.



அப்போ.. விஜய் நீங்கள் மேலும் வாழ்க ;)

S.ரமேஷ். said...

அன்பிற்கினிய நண்பரே...,

உங்கள் பார்வையில் சந்தோசங்களும்,வருத்தங்களும் படிக்கும் எங்களையும் தொற்றிக்கொள்வது உங்கள் எழுத்தின் பலம்.

கதம்பம் நன்றாக இருக்கிறது. ஆஸ்திரேலியாவின் தொடர் தோல்வி பற்றி விரிவாக எழுதியிருக்கலாம்.

நன்றி...,
மரங்களோடு மனிதம் வளர்ப்போம்...
அன்புடன்.ச.ரமேஷ்.

கன்கொன் || Kangon said...

// குழந்தைகளைப் பற்றியே நாம் பேசுகிறோம்? நீங்கள் எப்படி கோயிந்து>? ;) //

ஐயோ...
குழந்தைகளைப் பற்றி நினைக்க நமக்கு வயசும் இல்ல, வாய்ப்பும் இல்லை... ;-)


// விஜய் நீங்கள் மேலும் வாழ்க ;) //

எலே சதீஷ் அண்ணா....
நான் சொன்னன் தானே லோஷன் அண்ணா விஜய் இரசிகர் எண்டு...
நம்பினாத்தானே?
பாருங்கோ... விஜய வாழ்த்திறார்... ;-)

வந்தியத்தேவன் said...

தார்மீகக் கடமை ஆற்றிவிட்டேன்.
சிலி மனிதனின் ஆற்றலைக் காட்டும் நிகழ்வு. ஒவ்கோர்ஸ் மனிதாபிமானத்தையும் தான் ஆயிரக்கணக்கில் ஸ்கோர் போல் இழப்புகளைக் கண்ட எமக்கு இந்த 33 பெரிதாக தெரியாது. ஆனால் அந்த நாட்டு அதிபரே முன்னின்று செய்கின்றார் எம் நாட்டில் #நோ அரசியல்.

கிரிக்கெட் ஆஸிக்கு அடிவிழுந்தமை மகிழ்ச்சி.
முரளி விஜய் இரட்டிப்பு மகிழ்ச்சி காரணம் அவரும் தீவிர கமல் பக்தன்.

கொமன்வெல்த்தில் ஆர்வம் வரவில்லை, மன்மோகனின் பச்சைப் பொய் உலகளாவிய ரீதியில் ஏனோ பேசப்படவில்லை.

பாவம் ஹர்சு, அடுத்த விஜய் படம் முதல் காட்சிக்கு கூட்டிப்போய் அவரின் கவலையை மாற்றவும்.

நானும் நின்றிருந்தால் கூட விளையாடி இருப்பேன். என்ன நீங்கள் சீனியர் அணியில் நான் ஜூனியர் அணியில்.

fowzanalmee said...

என்னத்த சொல்ல??????????????????
என் என்னங்களைதான் சொல்லணும்......
சில சந்தோசங்கள் + சில வருத்தங்கள்
சிலி சுரங்கத் தொழிலாளர்கள் மீட்பு
மனதை நெகிழ வைத்து விட்டது. நேற்று வானொலியில் கேட்கும்போது நானும் இதை சாதாரண விடயமாகவே நினைத்தேன். ஆனால் இதற்குள்ளே இத்தனை மனித உயிர்களின் தவிப்பும் மனிதாபிமான உணர்வுகளும் இருக்கும் என்பதை நினைத்து கூட பார்க்கவில்லை. எமது நாட்டு தலைவர்களுக்கு சிலி நாட்டின் தலைவர்கள் நிச்சயம் ஒரு பாடம்தான்.....

Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner

Certified