January 17, 2010

தேர்தலும் சேவாக்கும் த்ரிஷாவும் நானும்..


நாடு நல்ல நாடு .. ஆனாலும் நடப்பு சரியில்லை..
அண்மையில் நான் ஒலிபரப்பிய ஒரு பாடல்.. படம் ரசிகன் ஒரு ரசிகை..

இதே தான் நம் இலங்கை நிலையும் இன்று..
ஜனாதிபதித் தேர்தலுக்கு இன்னும் இருப்பது ஒன்பது தினங்கள்..

ஒவ்வொரு நாளும் வன்முறைகளுக்குக் குறைவில்லை. வெல்லப் போவதும், அவர்களால் சுகபோகம் அனுபவிக்கப் போவதும் யார் யாரோ.. வதைபடுவது அப்பாவி தொண்டர்களும், மக்களுமே..

கட்சிகள் மாறுவதும், பெட்டிகள் கை மாறுவதும் கூட அன்றாட நிகழ்வுகளாக சலித்துப் போய்விட்டது.
நாளை இதுபற்றி விரிவாக ஒரு பதிவு போடலாம் என எண்ணியுள்ளேன்..

அரசியலின் இறுதிக்கட்ட பழிவாங்கல்களும் மறைமுகமாகவும், நேரடியாகவும் நடக்கின்றன.

இலங்கையின் 'பலமான' தனியார் வானொலியின் யாழ்ப்பாண அலைவரிசை அரசினால் எடுக்கப்பட்டு அரசின் மேற்பார்வையில் இருக்கும் வசந்த வானொலிக்கும் வழங்கப்பட்டுள்ளது.
மேற்படி தனியார் வானொலியின் உரிமையாளரும், அவரின் சிங்கள தொலைக்காட்சியும் பகிரங்கமாகவே அரசை விமர்சித்து, எதிர்ப்பதாலேயே இந்த நடவடிக்கையாம் என உள்வீட்டு தகவல்கள் கூறுகின்றன.

இன்று கிரிக்கெட்டில் அவதானித்த மூன்று சுவாரஸ்யங்கள்....

#1
"பங்களாதேஷ் அணி ஒரு மிக சராசரியான அணி.. அதன் பந்துவீச்சு மிகப் பலவீனமானது" இப்படியெல்லாம் நேற்றுப் பகிரங்கமாகக் கருத்து சொன்னவர் இந்திய அணியின் விரேந்தர் சேவாக்.
திடீரென இந்திய அணித்தலைவர் தோனி முதுகுப் பிடிப்பால் விலகிக் கொள்ள, சேவாகின் தலைமயில் இன்று டெஸ்ட் போட்டியில் களமிறங்கிய இந்தியா 'சராசரி'யாகப் போனது..

போதிய வெளிச்சமின்மை காரணமாக போட்டி கொஞ்சம் முன்னதாகவே முடிவுக்குக் கொண்டுவரப்பட்ட வேளையில் இந்தியா 8 விக்கெட்டுக்களை இழந்து 213 ஓட்டங்களோடு தடுமாறிக் கொண்டிருக்கிறது. சேவாக் அரைச் சதம் பெற்றார். சச்சின் ஆட்டமிழக்காமல் 76 ஓட்டங்களோடு நிற்கிறார்.

சச்சின் இன்று தனது பொறுப்பான ஆட்டத்திநிடையே 13000௦௦௦ டெஸ்ட் ஓட்டங்களைக் கடந்தார். (எனினும் கவனம் .. பின்னாலேயே பொன்டிங் விரட்டி வருகிறார்.. இன்று பொன்டிங் பெற்ற 89 ஓட்டங்களோடு சச்சினுக்கும் அவருக்கும் இடையிலான இடைவெளி 1187 ஆக மாறியுள்ளது)

சச்சின் பதிவு எனக்கு விருது பெற்றுத் தந்த இதே நாளில் சச்சின் சாதனை படைத்ததும் பொருத்தம் தானே.. ;)


சேவாக்குக்கு இந்த வாய் வீரம் தேவையா? வாயை மூடிக் கொண்டு தன் வேலையைத் துடுப்பினால் மட்டும் காட்டலாம் தானே?
இலங்கை அணியோடு இறுதிப் போட்டியில் மோதியபோதும் சின்னப் பையன் வேலகேடேரவோடு முறுக்கிக் கொண்டார்.

தொடர்ந்து முன்னேறி வரும் வங்கப் புலிகளுக்கு வாழ்த்துக்கள்.. இத்தோடு நிற்காமல் எஞ்சியுள்ள நான்கு நாட்களும் போராடுங்கள்..


#2
இங்கிலாந்து பாவம்.. ஒரு டெஸ்ட் போட்டியில் வென்று, இரண்டு டெஸ்ட் போட்டிகளை கடுமையாகப் போராடி தோல்வியின் விளிம்பிலிருந்து தப்பித்துக் கொண்ட இங்கிலாந்திற்கு, இறுதி டெஸ்ட் போட்டியில் தென் ஆபிரிக்கா அதிவேகமான, பவுன்சி ஆடுகளம் ஒன்றைத் தயார் செய்து வைத்த ஆப்பிருக்கே.. அது தான் இந்த ஆண்டின் முதல் ஆப்பு..

இரு முறை மயிரிழையில் வெற்றியைக் கோட்டைவிட்ட துரதிர்ஷ்டசாலி தென் ஆபிரிக்காவுக்கு இந்தப் போட்டியிலும் மழை வந்து அச்சுறுத்திக் கொண்டே இருந்தது.

மழை எங்கே மீண்டும் தென் ஆபிரிக்காவின் மனம் உடைக்குமோ என்று பார்த்தால் நான்காவது நாளான இன்றே இங்கிலாந்தை உருட்டி எடுத்துவிட்டார்கள் தென் ஆபிரிக்காவின் வேகப் பந்துவீச்சாளர்கள்.

#3
பாகிஸ்தான் தங்கள் அடுத்த டெஸ்ட் தோல்வியைப் பெரிய மனசோடு ஆஸ்திரேலியாவிடம் நாளை வாங்கிக் கொள்ளத் தீர்மானித்து விட்டார்கள்.
யூசுப்பின் தலையும் குறி வைக்கப்பட்டுள்ளதா? ஒரு நாள் தொடரின் பின்னர் தெரியும்..

============

இன்று ZEE தமிழ் தொலைக்காட்சியில் ஒரு தொகுப்பாளினி சினிமா மசாலா நிகழ்ச்சியொன்று தொகுத்துவழங்கிக் கொண்டிருந்தார்..

திரிஷாவுக்கு அவரது அம்மா வரன் தேடுவதாகவும் விரைவில் கல்யாணம் நடக்கலாம் என்றும் அதி முக்கியமான செய்தியை சொல்லிக் கொண்டிருந்தவர், அதற்குப் பின் ஒளிபரப்பிய பாடல்..
குருவி படத்திலிருந்து 'கெட்ட பையன் கெட்ட பையன்'

மாப்பிள்ளைமார் அந்தப் பாட்டைப் பார்த்தால் திருமணம் நடந்த மாதிரி தான்.. ;)
சாம்பிள்க்கு அந்தப் பாட்டிலிருந்து ஒரு படம்..

24 comments:

கனககோபி said...

அரசியல் - குப்பை...

அந்த சம்பவத்திற்கான சலனப்படமும் வெளியாகியுள்ளது அண்ணா...

யார் வெல்வது என்று சில நாட்களிலேயே தெரிந்துவிடும்....

பலமான? ஓ! :P
ஓம் ஓம்....
அவர்கள் அரசை விமர்சிப்பது சரியானது என்றாலும் கொஞ்சம் ஒரு பக்கமானவர்கள் என்பது என் தனிப்பட்ட கருத்து....
தெரியாது, பார்ப்போம் மாற்றம் வந்தால் என்ன நடக்கிறது என்று.


சேவாக்கிற்கு தேவையில்லாத வேலை....
இதையே அவுஸ்ரேலியா சொல்லியிருந்தால் அவ்வளவும் தான்...
சரி சொன்னது சொன்னார், ஒரு 200, 300 ஓட்டங்களை தனியாக தான் பெற்றுக் கொடுக்க வேண்டிது தானே?

Bangladesh r still an ordinary side, India were worse today.... :)
(எனது ருவீற்... ஹி ஹி...)


(வெலகதெர சின்னப்பையன் இல்லை அண்ணா... 28 வயசு மனுசன்...)


தென்னாபிரிக்காவிற்கு வாழ்த்துக்கள்.

யூசுப்பிற்கு அனுதாபங்கள்....

த்ரிஷாவின் வருங்கால மாப்பிள்ளைக்கு ஆழ்ந்த அனுதாபங்கள்.... ;)

Bavan said...

சேவாக்குக்கு தேவையில்லாத வேலை, சிறிய அணி என்று இறுமாப்புக்கொண்டால் இப்படித்தான், இந்த விடயத்தில் சங்கா மாதிரி இருக்க வேண்டும், அவர் எந்த அணியைப்பற்றியும் குறையாகக்கூறுவதில்லை,

பங்களாதேஸால் 20 விக்கெட்டுக்ளை எடுக்க முடியாது என்று கூறிய அவரின் முகத்தில் வங்கதேசம் கரி அள்ளிப்பூசியுள்ளது,

வங்கதேசம் தொடர்ந்து கலக்க வேண்டும்,

//எனினும் கவனம் .. பின்னாலேயே பொன்டிங் விரட்டி வருகிறார்.. இன்று பொன்டிங் பெற்ற 89 ஓட்டங்களோடு சச்சினுக்கும் அவருக்கும் இடையிலான இடைவெளி 1187 ஆக மாறியுள்ளது//

எனினும் பொண்டிங் சச்சினை எப்படியும் முறையடிப்பார் போல தெரிகிறது,

சச்சினின் ஓய்வுக்குப்பின் பொண்டிங் விளையாடினால் அது சாத்தியம் என?

//மாப்பிள்ளைமார் அந்தப் பாட்டைப் பார்த்தால் திருமணம் நடந்த மாதிரி தான்.. ;)//

ஹாஹா...

//சாம்பிள்க்கு அந்தப் பாட்டிலிருந்து ஒரு படம்..//

அந்தப்பாட்டை ஏன் பார்க்க வேண்டும் உங்கள் பதிவைப்பார்த்தால் சரி..ஹீஹீ..

கனககோபி said...

MS Dhoni hits back at Ian Chappell's comments...
http://www.cricinfo.com/india/content/story/444206.html

இப்பிடித்தான் எல்லாரும் அண்ணா...

அவுஸ்ரேலியன் ஏதாவது சொன்னா அது 'not fair', ஆனா தாங்கள் ஒரு வளர்ந்துவரும் ஒரு அணிய 'ordinary team' எண்டு சொல்லலாம்....

Kiruthikan Kumarasamy said...

லோஷன் அண்ணா....
இன்னும் ஒரு இன்னிங்ஸ் மற்றும் ஒரு முழு டெஸ்ட் இருக்கிறது. சேவாக் தன்னை நிரூபிக்க நிறையவே வாய்ப்பிருக்கிறது. ஆனால் அவருடைய பலமும் பலவீனமும் இந்த அபரிமிதமான தன்னம்பிக்கையே. கொஞ்சம் கவனமாக ஆடினால் எல்லாச் சாதனைகளையும் முறியடிக்கக்கூடிய திறமைசாலி... தன்னம்பிக்கைக்கும் தலைக்கனத்துக்கும் இடையில் இருக்கக்கூடிய வித்தியாசம் இன்னும் பிடிபடவில்லை. அவுஸ்திரேலியர்களிடம் அதைக் கற்றுக்கொள்ளலாம் சேவாக். அல்லது ‘அவருக்கென்ன கொம்பா முளைத்திருக்கிறது?' என்ற கேள்விக்கு சச்சினைப் போல் துடுப்பால் பதிலளிக்கலாம்.

கனககோபிக்கு
///அவுஸ்ரேலியன் ஏதாவது சொன்னா அது 'not fair'///
சேவாக்கை நான் நியாயப்படுத்த விரும்பவில்லை. இருந்தாலும் அவுஸ்திரேலியர்கள் சிலரது கருத்துக்கள் கேவலமானவை. அதைவிட கிரிக்கெட்டில் இன்னும் நிறைய நிறவெறி இருக்கிறது. உதாரணமாக நடுவர்களை துண்டற மதிக்காத ஸ்டூவர்ட் ப்ரோட் எந்தத் தண்டனையும் இல்லாமல் உல்லாசமாகத் திரிகிறார். நடுவர் தீர்ப்பளிக்க முன்னரே சக வீரர்களுடன் விக்கெட்டுகளைக் கொண்டாடுவார். இதையே ஒரு ஆசிய வீரர் செய்தால், உடனடியாகத் தண்டனை கொடுத்துவிடுவார்கள். இப்படி ஆசியர்களுக்கு இழைக்கப்பட்ட அநீதி அதிகம். அதனால்தான் தம் பணபலத்தை வைத்து இவர்களுக்குக் கடுப்பேத்தும் இந்தியக் கிரிக்கெட் சபையை அவர்களின் கேவலமான நிர்வாகக் குழறுபடிகளை மீறி நான் ஆதரிப்பதுண்டு.

1990 களின் நடுப்பகுதியில் வசீமும் வக்காரும் ரிவேர்ஸ் ஸ்விங்கை வைத்து இங்கிலாந்து வீரர்களைக் கற்பழித்தபோது இங்கிலாந்து ஊடகங்கள் ரிவேர்ஸ் ஸ்விங் சட்டத்துக்குப் புறம்பானது என்றும், வசீம் வக்கார் ஏமாற்றுக்காரர்கள் என்றும் பழித்தார்கள். (கிரிக்கெட்டில் பழம் தின்று கொட்டை போட்ட லோஷன் அண்ணாக்கு இது தெரிந்திருக்கும் என்று நினைக்கிறேன்). அதே ரிவேர்ஸ் ஸ்விங் போட்டு இங்கிலாந்து வீரர்கள் 2005ல் ஆஷஸ் வென்றபோது, ரிவேர்ஸ் ஸ்விங் கலையாகிப் போனது. கிரிக்கெட் இன்னும் நிறவெறியர்களின் கையிலேயே இருக்கிறது. இதனால்தான் சச்சினின் சாதனையைப் பொண்டிங் முறியடிக்கப்போகிறார் எனும்போது வலிக்கிறது. ஆனாலும் எந்தக் கொம்பனும் முரளியை முந்த முடியாது என்று ஒரு ஆறுதல்

என்ன கொடும சார் said...

//நாளை இதுபற்றி விரிவாக ஒரு பதிவு போடலாம் என எண்ணியுள்ளேன்.. //

வந்து ஜோதியில் ஐக்கியமாகுங்கள்..

Balavasakan said...

கலக்கல் பதிவண்ணா ... செவாக்குக்கு வாயில சனியன் வந்து குந்திற்றுது... அதுதான் ...

கனககோபி said...

//இருந்தாலும் அவுஸ்திரேலியர்கள் சிலரது கருத்துக்கள் கேவலமானவை. //

சிலரது கருத்துக்கள் இருக்கலாம்...
ஆனால் நான் குறிப்பிட்ட சம்பவத்தை எடுத்துக் காட்டாகவும் கூறியுள்ளேன்...
இயன் சப்பல் கூறிய கருத்தை ஏன் டோனி அவசரப்பட்டு மறுத்து அறிக்கை விடுத்தார்? ஓர் அணியை ordinary என்று சொல்வதை விட இந்தியாவைச் சேர்ந்த வர்ணணையாளர்களோடு இயன் சப்பல் சேர்ந்து நடத்திய நிகழ்ச்சியில் அவர் கிறிக்கற் ரீதியாகத் தெரிவித்த கருத்து எப்படி not fair ஆகும்?


//உதாரணமாக நடுவர்களை துண்டற மதிக்காத ஸ்டூவர்ட் ப்ரோட் எந்தத் தண்டனையும் இல்லாமல் உல்லாசமாகத் திரிகிறார். //

தஎதைவைத்துச் சொல்கிறீர்கள் என்று தெரியாது.
ஆனால் கடைசிச் சம்பவத்தில் ப்ரோட் தனது நிலையை விளக்கி அறிக்கை விடுத்திருந்தார்.
தென்னாபிரிக்க வீரர்கள் நிறையவே நேரம் பிந்தி எடுத்ததால் நடுவரிடம் தான் நல்ல வார்த்தைகளால் தான் அதற்கு விளக்கம் கேட்டேன் என்றார்.
சரி அதுவே அப்படி என்றால் வெலகெதரவுக்கு துடுப்பைக் காட்டி செவாக் தண்டனையிலிருந்தும், கடைசி 2 போட்டிகளில் கெட்ட வார்த்தைகளை நிறையவே உதிர்த்துத் தள்ளிய ஸ்ரீசாந் தண்டனையிலிருந்து தப்பியது எப்படி?


நான் ஒருவரை மட்டும் எதிர்ப்பது பிழை என்கிறேன், மற்றும்படி அவர்கள் செய்த பிழைகளை ஒருபோதும் நியாயப்படுத்த விரும்பவில்லை.


//கிரிக்கெட் இன்னும் நிறவெறியர்களின் கையிலேயே இருக்கிறது. இதனால்தான் சச்சினின் சாதனையைப் பொண்டிங் முறியடிக்கப்போகிறார் எனும்போது வலிக்கிறது. //

பொன்ரிங்கை நிறவெறியர் என்கிறீர்களா?
என்னை கிறிக்கற்றை நிறம், இனமாகப் பார்க்க முடியவில்லை.
திறமை உள்ளவர்கள் வெல்கிறார்கள். மகிழ்ச்சி மகிழ்ச்சி மகிழ்ச்சி...

முரளியை இன்னொரு திறமையாளன் வந்து முந்தினாலும் மகிழ்ச்சியே...
கிறிக்கற் வாழ்கிறது.....

புல்லட் said...

இலங்கையின் 'பலமான' தனியார் வானொலியின் யாழ்ப்பாண அலைவரிசை அரசினால் எடுக்கப்பட்டு அரசின் மேற்பார்வையில் இருக்கும் வசந்த வானொலிக்கும் வழங்கப்பட்டுள்ளது.//
கவலைக்குரிய விடயம்..:(

திரிசா கல்யாணம் செய்கிற பையன் கெட்டபையன் பாட்டை பார்த்துதான் மனம்மாறணுமா ? என்ன கொடுமை இது.. :p

இலங்கன் said...

//சேவாக்குக்கு இந்த வாய் வீரம் தேவையா? வாயை மூடிக் கொண்டு தன் வேலையைத் துடுப்பினால் மட்டும் காட்டலாம் தானே?//

//ரிஷாவுக்கு அவரது அம்மா வரன் தேடுவதாகவும் விரைவில் கல்யாணம் நடக்கலாம் //

ஏது அக்காவுக்கு கல்யாணமா? ...

யோ வொய்ஸ் (யோகா) said...

I hate politics..

I wanna send an application to thrisha.. How can i apply?

Vijayakanth said...

வர வர அரசியல் களம் சூடு பிடிக்குது......எத்தனை எத்தனை கதாநாயகர்கள்,வசனகர்த்தாக்கள், இயக்குனர்கள், அப்பப்பா இவ்வளோ திறமையா நம்ம அரசியல்வாதிகளுக்கு... அதெப்படி அவங்களால மட்டும் அவங்க சொன்னதையே சொல்ல இல்லைன்னு சொல்ல முடியுது...! எது எப்படியோ ஒருத்தர் வெண்டுட்டா மற்றவருக்கு ஆப்பு நிச்சயம்....!

திரிஷாவோட அம்மாவை கல்யாணம் பண்ணிக்க நிறையபேர் தயாரா இருக்கிறதா எங்கயோ படிச்ச ஞாபகம்!

பங்களாதேஷ் அணியால 20 விக்கெட் வீழ்த்த முடியாதுன்னு சொன்ன சேவாக் கொஞ்சம் அவங்க பந்து வீச்சாளர் பத்தி யோசிக்கணும்.....அவங்களால பங்களாதேஷ் அணியோட 20 விக்கெட்டையும் எடுக்க முடிஞ்சா பெரிய விஷயம்!

எட்வின் said...

விருதுக்கு வாழ்த்துக்கள் அன்பரே. சேவாக் பேசியது நிச்சயம் தேவையற்றது தான்

Anonymous said...

சேவாக் பற்றி மேலும் அறிய இதையும் படியுங்கள்.
அருமையான கட்டுரை.

http://tamil.webdunia.com/sports/cricket/articles/1001/18/1100118089_1.htm

Anonymous said...

சேவாக் பற்றி மேலும் அறிய இதையும் படியுங்கள்.

அருமையான கட்டுரை.

http://tamil.webdunia.com/sports/cricket/articles/1001/18/1100118089_1.htm

Anonymous said...

வங்கதேசத்திற்கு எதிராக சிட்டகாங்கில் நடைபெறும் முதல் டெஸ்ட் கிரிக்கெட் போட்டிக்கு ‘கிரிக்கெட் அல்லாத காரணங்களால்’ திடீர் முக்கியத்துவம் ஏற்பட்டுள்ளது. காரணம் இந்திய அணித் தலைவர் விரேந்திர சேவாக், வங்கதேச அணியை "சாதாரண அணி" என்று வர்ணித்து விட்டார். ஆனால் இந்தியா 243 ரன்களுக்கு சுருண்டது.

முதலில் சேவாக் கூறியது வங்கதேச டெஸ்ட் கிரிக்கெட் வரலாற்றை வைத்து கூறப்பட்ட ஒரு கூற்று, அந்த அணியின் திறமை குறித்த மதிப்பீடு அல்ல என்ற சிறிய அளவிலான சுவாதீனம் கூட நம் முசுட்டுப் பத்திரிக்கையாளர்களிடம் இருப்பதில்லை.

உடனே அன்றைய தின செய்தியாளர்கள் கூட்டத்தில் சேவாகின் கூற்றை வைத்தே செய்தியாளர்கள் வருவோர் போவரிடத்திலெல்லாம் கேள்வி மழை பொழிந்தனர்.

கிரிக்கெட்டிற்கான் பிரத்யேக முதல் தர இணையதளம் "Shakib and Shahadat dominate 'ordinary' India என்று ஆர்டினரி என்ற வார்த்தையை இந்தியாவிற்கு எதிராக பயன்படுத்தி செய்தி வெளியிட்டது.

செய்தியாளர்கள் கூட்டத்தில் சச்சின் டெண்டுல்கரிடம், சேவாக் கூற்று குறித்து கேட்டபோது அவர் கடுகடுப்பாகி, அதையெல்லாம் சேவாகிடம் கேளுங்கள் என்று கடுப்படித்துள்ளார்.

மேலும் கோபமுற்று இந்த டெஸ்ட் போட்டி இன்னும் நீண்ட தூரம் செல்ல வேண்டியுள்ளது என்பதையும் அதே கடுப்புடன் கூறினார்.

ஆஸ்ட்ரேலிய இணையதளச் செய்தி ஒன்றில் சேவாக் வங்கதேசத்தை ஆர்டினரி என்று கூறிய பிறகு இந்தியாவின் பேட்டிங் கர்வத்தை வங்கதேசம் உடைத்ததாக செய்தி வெளியிட்டுள்ளது.

சேவாக் கூறியது ஒன்று என்றால், அதனால் இந்தியா பேட்டிங் சரிவடைந்தது என்று கூறுவது மீண்டும் வங்கதேசத்தின் திறனை ஒப்புக் கொள்ளாததற்கு சமமே.

சேவாக் கூறியது போல் நேற்று இந்தியா விக்கெட்டுகளை இழக்காமல் 500 ரன்களைக் குவித்திருந்தால்... சேவாக் கூறியது சரியானது என்று இந்தப் பத்திரிக்கையாளர்கள் கூறுவார்களா? அல்லது ஷாகிப் அல் ஹசன் இந்தியா பற்றி கூறியபோது சரியான இடங்களில் பந்து வீசினால் அவர்கள் தவறு செய்வார்கள் என்று கூறியது பொய்த்துப் போய்விட்டது, ஷாகிப் அல் ஹசன் கிரிக்கெட்டை முதலில் கற்கவேண்டும் என்று கூறமாட்டார்களா?

பொதுவாக டெஸ்ட் கிரிக்கெட் ஆட்டம் அறுவையாகி வருவதால் அதனை உயிரூட்ட இதுபோன்ற கூற்றுகளைக் கூறுவது என்பது எல்லா அணிகளுக்குமான வழக்கமாக உள்ளது. இது ஒரு மார்க்கெட்டிங் உத்தி. சேவாக் கூறியது அந்த வகையைச் சார்ந்ததே என்பது கிரிக்கெட்டை விவரமாகப் பார்ப்போருக்கு விளங்கியிருக்கும்.

சச்சின் டெண்டுல்கரும் இதற்கு கடுப்பாக வேண்டிய தேவையில்லை. ஜாலியாக இதனை எதிர்கொண்டு, சேவாக் தனது மட்டையை சுழற்றுவார் இந்த முறை நாக்கை சுழற்றியுள்ளார். இதில் ஒன்றும் பெரிதாக இல்லை என்று கூறியிருக்கலாம். ஆனால் அவர் கடுப்பானதுதான் இப்போது சேவா‌க்கின் கூற்றிற்கு பெரிய விளம்பரம் ஆகிவிட்டது.

சரி விட்டுவிடுவோம். வங்கதேச அணியை கிரிக்கெட் அணிகள் மட்டுமல்லாது, இன்று வரிந்து கட்டிக் கொண்டு சேவா‌க்கை குறைகூறும் பத்திரிக்கைகள் இதற்கு முன்னர் எவ்வளவு கேவலமாக எழுதியுள்ளன என்பதை அந்தப் பத்திரிக்கைகள் மறக்கலாம். ஆனால் ஒரு நடுநிலை பார்வையாளராக நாம் மறக்க முடியாது. ஏனெனில் பத்திரிக்கைகள் தினசரி நடந்து கொண்டிருப்பதே மறதியின் அடிப்படையில்தானே?

சேவாக் இதற்கு முன்னர் 2004ஆம் ஆண்டு ஆஸ்ட்ரேலியா சென்ற போது இதே போன்ற ஒன்றைத்தான் கூறினார். அதாவது அவர் நல்ல துவக்கங்களைக் கொடுத்தார். ஆனால் சதம் எடுக்கவில்லை. அப்போது அவரிடம் கேட்டபோது, 'ஆம், நான் ஒன்றிரண்டு சதங்களை இந்நேரம் அடித்திருக்கவேண்டும், நிச்சயம் அடுத்த டெஸ்ட்டில் சதத்தை எடுப்பேன் என்றார். அடுத்த டெஸ்ட் போட்டிதான் அந்த மெல்போர்ன் டெஸ்ட். ஆஸி. பந்து வீச்சாள‌ர்களுக்கு படையல் நடத்தி தேநீர் இடைவேளையின் போது 195 ரன்களைக் குவித்தார்.

கனககோபி said...

பெயரிலி நண்பருக்கு.....

நீங்கள் செவாக் மீது வைத்திருக்கும் பக்தி உண்மையை மறைக்கிறது....

//முதலில் சேவாக் கூறியது வங்கதேச டெஸ்ட் கிரிக்கெட் வரலாற்றை வைத்து கூறப்பட்ட ஒரு கூற்று, அந்த அணியின் திறமை குறித்த மதிப்பீடு அல்ல என்ற சிறிய அளவிலான சுவாதீனம் கூட நம் முசுட்டுப் பத்திரிக்கையாளர்களிடம் இருப்பதில்லை. //

lol...
நீங்கள் அந்தக் கட்டுரையை முழுமையாக வாசிக்காமல் கதைக்கிறீர்கள் என்பது இதிலிருந்து தெரிகிறது...

Bangladesh are an ordinary side. They can't beat India because they can't take 20 wickets.

இது வரலாறா?
இறந்தகாலம், நிகழ்காலம், எதிர்கால்ம போன்றவற்றில் சிறிது தெளிவு இருந்தால் இது விளங்கியிருக்கும்...
can't என்றால் முடியாது என்று அர்த்தம்...


No. They can't beat us in Test matches," Sehwag said. "They can surprise you in ODIs but not in Tests."

இதைவிட இன்னமும் விளக்கம் வேண்டுமா?
முதலில் வடிவாக வாசியுங்கள் ஐயா...
ஒருவரை ஆதரிப்பது வேறு, ஆனால் அவர் பிழை செய்யும் போதும் அவரை ஆதரித்து அந்தப் பிழையை மறைக்க, நியாயப்படுத்த முயலாதீர்கள்....


//சேவாக் கூறியது ஒன்று என்றால், அதனால் இந்தியா பேட்டிங் சரிவடைந்தது என்று கூறுவது மீண்டும் வங்கதேசத்தின் திறனை ஒப்புக் கொள்ளாததற்கு சமமே. //

அதனால் தான் இந்தியா சரிவடைந்தது என்று யாரும் சொல்லவில்லை.
வாய்க்கொழுப்பில் கூறிவிட்டு இவ்வளவு இலகுவாக ஆட்டமிழந்ததைத்தான் விமர்சித்தார்கள்...


//சேவாக் கூறியது போல் நேற்று இந்தியா விக்கெட்டுகளை இழக்காமல் 500 ரன்களைக் குவித்திருந்தால்... சேவாக் கூறியது சரியானது என்று இந்தப் பத்திரிக்கையாளர்கள் கூறுவார்களா? //

அப்படி நேரடியாக ஒரு அணியை மட்டமாக செய்தி எழுத மாட்டார்கள், எனினும் வெசாக் அன்றைய போட்டியில் நிறைய ஓட்டங்கள் எடுத்திருந்தால் 'Sehwag melts 'Ordinary' Bangladesh' அப்படி இப்படி எதுவும் எழுதிருப்பார்கள்.

ஆனால் ஒரு விடயத்தைப் புரிந்து கொள்ளுங்கள், செவாக் இந்தக் கருத்தினை கூறிய மறுகணமே அதற்கு எதிர்ப்புக்கள் கிளம்பின என்பதையும், இந்திய அணி இலகுவாக விக்கற்றுக்களை இழந்ததால் அந்த எதிர்ப்பு அதிகரித்ததே தவிர அதனால் தான் எதிர்ப்பு வந்ததென்பது அல்ல.


//பொதுவாக டெஸ்ட் கிரிக்கெட் ஆட்டம் அறுவையாகி வருவதால் அதனை உயிரூட்ட இதுபோன்ற கூற்றுகளைக் கூறுவது என்பது எல்லா அணிகளுக்குமான வழக்கமாக உள்ளது. //

அப்பொழுது இயன் சப்பல் 'இந்திய அணி முதலாம் இடத்திற்கு நிரந்தரமான அணியல்ல' என்று கூறியதையும் கிறிக்கற்றுக்கு உயிரூட்டும் கருத்தாக எடுத்திருக்கலாமே?
எதற்கு டோணி விழுந்தடித்து 'This is not fair' என்று கண்ணீர் விட்டார்?


//சச்சின் டெண்டுல்கரும் இதற்கு கடுப்பாக வேண்டிய தேவையில்லை. //

செவாக் சொன்னது பிழை என்று அவருக்குத் தெரியும். குற்றமுள்ள நெஞ்சு குறுகுறுக்கும் நண்பரே...


//சரி விட்டுவிடுவோம். வங்கதேச அணியை கிரிக்கெட் அணிகள் மட்டுமல்லாது, இன்று வரிந்து கட்டிக் கொண்டு சேவா‌க்கை குறைகூறும் பத்திரிக்கைகள் இதற்கு முன்னர் எவ்வளவு கேவலமாக எழுதியுள்ளன என்பதை அந்தப் பத்திரிக்கைகள் மறக்கலாம். //

விமர்சகர்கள் வேறு, வீரர்கள் வேறு.
விஜயை மொக்கையர் என்று விமர்சகர்கள் சொல்லலாம், ஆனால் அதையே அஜித் சொல்ல முடியுமா?

ரஜினியைப் பார்த்து கமல் 'ரஜினிக்கு நடிக்கத் தெரியாது' என்று சொன்னால்?
ரஜினிக்கு நடிக்கத் தரியாது என்று விமர்சகர்கள் சொல்வதில்லையா?

உங்களுக்கு விளங்கவில்லையா அல்லது விளங்காதது போல் நடிக்கிறீர்களா?


// அடுத்த டெஸ்ட் போட்டிதான் அந்த மெல்போர்ன் டெஸ்ட். ஆஸி. பந்து வீச்சாள‌ர்களுக்கு படையல் நடத்தி தேநீர் இடைவேளையின் போது 195 ரன்களைக் குவித்தார். //

இங்கு செவாக் ஓட்டங்கள் பெறுவது பற்றிப் பிரச்சினை இல்லை, ஒரு அணித்தலைவராக செவாக் தெரிவித்த கூற்றுத் தான் பிழையானது.
செவாக் சிறந்த துடுப்பாட்ட வீரர் என்று பொதுவாக அனைவரும் ஏற்றுக் கொள்வர்.

நீங்கள் சொன்ன அந்தப் போட்டியில் அவுஸ்ரேலிய அணி இலகுவாக 9 விக்கற்றுக்களால் வெற்றி பெற்றதை ஞாபகப்படுத்த விரும்புகிறேன்.
(இரண்டாவது இனிங்ஸ் இல் செவாக் பெற்றது 11 ஓட்டங்கள்.
பொன்ரிங் முதல் இனிங்ஸ் இல் 256 மற்றும் இரண்டாம் இனிங்ஸ் இல் ஆட்டமிழக்காது 31. ஆகவே செவாக்கை விட அந்தப் போட்டியில் சிறப்பாகத் துடுப்பெடுத்தாடிய வீரர் இருக்கிறார். ஆகவே சாதித்தாகச் சொல்ல முடியாது.)

Vijayakanth said...

பின்னூட்டம் போடுறாங்களா இல்லாட்டி பதிவு போடுறாங்களா???? யம்மாடியோவ் எம்புட்டு பெரிய பின்னூட்டம்....!

Anonymous said...

http://tamil.webdunia.com/sports/cricket/articles/1001/18/1100118089_1.htm

mulluvadhum padiyungal...

Ashwin-WIN said...

விருதுக்கு வாழ்த்துக்கள் அன்பரே.
அருமையான கட்டுரை.
SEE THIS TOO ANNAAAAAAAAAAAAA>
http://ashwin-win.blogspot.com/2010/01/blog-post_20.html

Anonymous said...

india beat bangladesh by 113 runs.

Sehwag is being jeered by the crowd: "Our bowlers did a fantastic job, Zaheer and Ishant especially, after getting bowled out for 243. Ishant bowled really quick and got some good bounce. It was a good pitch, nice carry, turn and bounce and three players also got hundreds. We have to play good cricket and if we do that, we can easily win the next match."

any comments about shewag now ?

Anonymous said...

Hi!
You may probably be very interested to know how one can manage to receive high yields on investments.
There is no need to invest much at first.
You may commense earning with a sum that usually goes
on daily food, that's 20-100 dollars.
I have been participating in one company's work for several years,
and I'll be glad to share my secrets at my blog.

Please visit my pages and send me private message to get the info.

P.S. I make 1000-2000 per daily now.

http://theinvestblog.com [url=http://theinvestblog.com]Online Investment Blog[/url]

கனககோபி said...

//india beat bangladesh by 113 runs.

any comments about shewag now ? //

lol....
Bangladesh took 18 wickets mate...
We never say Bangladesh are gonna win this....
We even didn't expect them to take 18 wickets either.

We still say, Sehwag has bite the dust for sure...

சஞ்சயன் said...

இவன் திருந்தவே மாட்டானா?

'They still didn't get 20 wickets' - Sehwag



Virender Sehwag is expressive on the field, but when it comes to the media conference he's a sober man © Associated Press
Related Links
Bulletin : India coast to win despite Mushfiqur century
News : Sehwag thanks bowlers for 'good start to year'
Players/Officials: Virender Sehwag
Matches: Bangladesh v India at Chittagong
Series/Tournaments: India tour of Bangladesh
Teams: Bangladesh | India
Virender Sehwag has reiterated his stand that Bangladesh are not good enough to take 20 wickets against India.

It was another grim press conference where he initially refused to entertain any questions on his statement on Bangladesh's bowling, but eventually Sehwag decided to answer. "Next question," was his reply when the topic was first raised by a journalist. Finally he answered, albeit in monosyllables, when the issue was repeatedly brought up.

Asked whether he felt Bangladesh could now take 20 Indian wickets, Sehwag's answer came pat: "No. They can't. They still didn't get 20 wickets."

இவன் திருந்தவே மாட்டானா?
i pray Bangladesh to beat India in the next test.

Anonymous said...

http://www.cricinfo.com/bdeshvind2010/content/current/story/445298.html

Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner

Certified