January 15, 2010

தசாப்தத்தின் தலைசிறந்த வீரர் பொன்டிங்..


ஆஸ்திரேலிய கிரிக்கெட் அணித்தலைவர் ரிக்கி பொன்டிங் கடந்த தசாப்தத்தின் சிறந்த வீரராக தெரிவு செய்யப்பட்டுள்ளார்.

38 முன்னாள்,இந்நாள் கிரிக்கெட் வீரர்கள்,பயிற்றுவிப்பாளர்கள், கிரிக்கெட் விமர்சகர்கள் அடங்கிய ஜூரிகள் குழு வாக்களித்து இந்தத் தெரிவை மேற்கொண்டுள்ளார்கள்.

இரண்டாம் இடத்தைப் பெற்ற தென் ஆபிரிக்க சகலதுறை வீரர் ஜக்ஸ் கலிசை மிகத் தெளிவான ஒரு வித்தியாசத்தில் முந்தி பொன்டிங் முதலிடத்தைப் பெற்றுள்ளார்.
மூன்றாம் இடம் ஆஸ்திரேலிய முன்னாள் விக்கெட் காப்பாளர் அடம் கில்க்ரிச்டுக்கும், நான்காம் இடம் இலங்கையின் நட்சத்திர சுழல் பந்துவீச்சாளர் முத்தையா முரளிதரனுக்கும், ஐந்தாம் இடம் ஆஸ்திரேலிய முன்னாள் வேகப்பந்துவீச்சாளர் க்ளென் மக்க்ராவுக்கும் கிடைத்தன.

முதல் பத்து இடங்களிலுள்ள ஏனையோர் சச்சின் டெண்டுல்கர், ஷேன் வோர்ன், பிரையன் லாரா, ராகுல் டிராவிட்,ஷிவ்னரைன் சந்தர்போல்.

தெரிவுகளை மேற்கொண்டிருந்த 38 நடுவர்களும் அளித்த தமது முதல்,இரண்டாவது,மூன்றாவது தெரிவு ஆகியவற்றுக்கு வழங்கப்பட்ட புள்ளிகளின் அடிப்படையிலேயே இத் தெரிவுகள்.

நவீன கால கிரிக்கெட்டின் இரு பெரும் புள்ளிகளான பிரையன் லாரா,சச்சின் டெண்டுல்கர் ஆகியோர் பெரிதாகப் புள்ளிகளைப் பெறவில்லை. ஷேன் வோர்னும் அவ்வாறே..

புள்ளிவிபரங்கள்,தரவுகளை வைத்துப் பார்த்தால் பொண்டிங்குக்கு இந்த விருது கிடைத்திருப்பது மிகப்பொருத்தம் என்பது தெளிவாகிறது.
இந்த தசாப்த காலப்பகுதியில் (2000 முதல் 2009 வரை) டெஸ்ட் போட்டிகளிலும்,ஒரு நாள் போட்டிகளிலும் 9000 ஓட்டங்களைக் கடந்த ஒரே ஒரு துடுப்பாட்ட வீரர் பொன்டிங் மட்டுமே.அத்துடன் 32 சதங்களையும் குவித்துள்ளார்.

கலிசின் சகலதுறைப் பெறுபேறுகள் சிறப்பாகத் தோன்றினாலும், சிக்கலான காலகட்டங்களில் சிறப்பாக விளையாடியதும், பதிலடி கொடுத்த அவரது ஆட்டத்திறனும், தலைமைப் பண்புகளுமே அவரைப் பலரா தெரிவுசெய்யக் காரணம் என நினைக்கிறேன். ஏனைய எல்லா வீரர்களையும் விட ரிக்கி பொன்டிங் தான் தனது அணிக்காக அதிக வெற்றிகளைப் பெற்றுக் கொடுத்தவர் என்பதையும் யாரும் மறுக்க முடியாது. இவருக்குப் பிறகு வேண்டுமானால் ஷேன் வோர்ன், மக்க்ரா,முரளி போன்றோரை சொல்லலாம்..

நடுவர்களில் ஒருவரான நியூ சீலாந்து அணித் தலைவரும் இதே கருத்தை ஆமோதிக்கிறார்."எல்லாப் பந்துவீச்சாளர்களையும் அடக்கியாளும் திறமை பொண்டிங்கிடம் இருக்கிறது"

பொன்டிங்கின் தலைமைத்துவ சாதனைகள் வேறு யாரோடும் ஒப்பிட முடியாதவை.. இந்த தசாப்த காலத்தில் 40
டெஸ்ட்கள், 145 ஒருநாள் போட்டிகளில் ஆஸ்திரேலியாவுக்கு வெற்றிகளைப் பெற்றுக் கொடுத்துள்ளார்.. இவற்றுள் இரு உலகக் கிண்ணங்கள்,இரு மினி உலகக் கிண்ணங்களும் அடங்குகின்றன..

இலங்கையின் குமார் சங்கக்கார, மஹேல ஜெயவர்த்தன, ஆஸ்திரேலியாவின் மத்தியூ ஹெய்டன், பாகிஸ்தானின் இன்சமாம் உல் ஹக்,மொகமட் யூசுப், தென் ஆபிரிக்க அணித்தலைவர் கிரேம் ஸ்மித் ஆகியோருக்கு ஒரு வாக்குக் கூடக் கிடைக்கவில்லை என்பதும் இங்கே ஆச்சரியமான விஷயம்.

இந்த விருது நேற்று அறிவிக்கப்பட்டது பொண்டிங்கில்ஏற்படுத்திய மாற்றம் நேற்றும் இன்றும் ஹோபார்ட் டெஸ்ட் போட்டியில் தெரிந்தது..

பின்னே, பாகிஸ்தானுக்கு எதிரான தொடரிலே தடுமாறிவந்த பொன்டிங், தன் சொந்த ஊர் மைதானத்தில் வைத்து தனது மனைவி, பிள்ளை, பெற்றோர், உறவினர்,நண்பர்கள்,அயலவர் ஆகியோர் முன்னிலையில் அபாரமான இரட்டை சதத்தை அடித்ததை என்னவென்பது?
தனது உப தலைவர் கிளார்க்கோடு 352 ஓட்ட இணைப்பாட்டத்தையும் அற்புதமாக வழங்கியிருந்தார்.

அண்மைக்கால குறைந்த பெறுபேறுகளை அடுத்து விமர்சனங்கள் கிளம்பு முன் தானாகவே தனது வழக்கமான மூன்றாம் இலக்கத்திலிருந்து எதிர்காலத்தில் கீழிறங்கப்போவதாக தெரிவித்திருந்த பொன்டிங் இன்று தனது ஐந்தாவது இரட்டை சதத்தைப் பெற்றார்.
இந்த மைதானத்தில் பெறப்பட்ட முதலாவது இரட்டை சதமும் இதுவேயாகும்.

போராடும் குணம் கொண்ட பொன்டிங் தனது அடுத்த கட்டத்தை ஆரம்பித்துவிட்டார். சச்சினின் உலகசாதனை நோக்கிய அவர் பயணத்தில் இனி லாராவை முந்த 184 ஓட்டங்களும், சச்சினை முந்தி உலக சாதனையை வசப்படுத்த 1200 ஓட்டங்களும் இருக்கின்றன.
இவ்வருடம் இந்தியாவுக்கு ஒப்பிட்டளவில் குறைந்த போட்டிகளே இருப்பதால், சச்சினை முந்தப் பொன்டிங்குக்கான வாய்ப்புக்கள் அதிகம்.. ஆனால் 2011 இலேயே இது நிகழும் என எதிர்பார்க்கலாம்..

எனினும் இன்று மாலை பாகிஸ்தானின் மொகமட் அமீருக்கு ஹோபார்ட்டிலுள்ள பொன்டிங்கின் வீட்டில் ஸ்பெஷல் விருந்தாம்.. (பொன்டிங் ஓட்டம் எதுவும் எடுக்காமல் இருந்தபோது இலகுவான பிடியொன்றைத் தவற விட்டவர்)


தகவல்கள் - Cricinfo

15 comments:

கனககோபி said...

பொன்ரிங் இதற்குப் பொருத்தமானவர் தான் அண்ணா...

வேறு ஒருவரும் போட்டிக்கு இல்லை என்பது வெளிப்படை...
கலிஸ் இற்கு இந்தக் கெளரவம் கிடைத்திருப்பதும் மகிழ்ச்சி தான்... கலிஸை நான் அடிக்கடி the most under-rated player என்று சொல்வதுண்டு.
நாங்கள் சச்சின், முரளி, பொன்ரிங், லாரா, வோண், ட்ராவிட் போன்றவர்களை great என்று சொல்லுமளவிற்கு கலிஸைச் சொல்வதில்லை...

எனக்கு உண்மையில் முரளியை கில்கிறிஸ்ற் முந்தியது சின்ன வருத்தம் தான் அண்ணா.

முரளி இந்தியாவில் சாதிக்காதது என்றால் கில்கிறிஸ்ற் இற்கும் அதே பிரச்சினை துடுப்பாட்டத்தில் இருக்கிறது அண்ணா....

முரளி: இந்தியாவுக்கெதிராக மொத்தமாக 12 போட்டிகளில் 69 விக்கட்டுக்கள்... (சராசரி 28.95)
இந்தியாவில் 6 போட்டிகளில்25 விக்கட்டுக்கள். (சராசரி 43.48)

கில்கிறிஸ்ற்: இந்தியாவிற்கெதிராக 25.32
இந்தியாவில்: 28.50...

அத்தோடு தரவுகளை மட்டும் வைத்துப் பார்க்க முடியாது தானே...

கில்கிறிஸ்றை முரளி அடித்து நொருக்கி முன்னேறுவார் என்று சொல்லேல, ஆனா அணியில், ஒட்டுமொத்த கிறிக்கற்றில் ஏற்படுத்திய impact என்று பார்த்தால் முரளி ஒரு சிறியளவில் முன்னுக்கு வரலாம் என்று நம்புகிறேன்...
(ருவிற்றரில் நேற்று கதைத்ததற்கும் பதில்.... :P )

ஆனால் பெரிதாக ஏமாற்றமேதுமில்லை.... சரியாகத்தானிருக்கிறது பொதுவாக....

வாழ்த்துக்க்ள பொன்ரிங்... :P

Vijayakanth said...

பந்துவீச்சாளர்களை மட்டுமல்ல நடுவர்களையும் அடக்கி ஆளும் தன்மை கொண்டவர்...... நடுவர்களிடம் அடிக்கடி முரண்பட்டுக்கொள்ளும் இவருக்கு நடுவர்கள் ஆதரவளித்ததும் ஆச்சரியமே....என்ன இருந்தாலும் ஒரு சிறந்த வீரருக்கு கிடைக்க வேண்டிய மரியாதையே கிடைத்திருக்கிறது.....!
சச்சினை முந்தாமல் இருக்க கடவுளிடம் பிரார்த்திக்கிறேன்.... ;)

யோ வொய்ஸ் (யோகா) said...

பொண்டிங் இந்த விருதுக்கு மிகவும் தகுதியான வீரர்தான்.


Form is Temporary, Class is permanent
என்பதை இன்றைய போட்டியில் அவர் நிரூபித்து இவ்விருதுக்கு அவர் தகுதியானவர் என வெளிக்காட்டியுள்ளார்

A.V.Roy said...

It is a correct choice to give this award to Ricky.

குடிகாரன் said...

சரியான தேர்வு ...
பாண்டிங் நல்ல மனிதரும் கூட

http://www.facebook.com/pages/Ricky-Ponting/81344972319

Balavasakan said...

எல்லோரையும் விட பொன்டிங் முன்னுக்கு நிற்பது அவரது அபாரமான காரணமாகத்தான் ஒரு முழுமையான கிரிக்கெட் வீரர்..சரியான தேர்வுதான்..

LOSHAN said...

கோபி, உண்மை தான்.. நீங்கள் சொல்வது போல கலிசை ஒரு தலை சிறந்த வீரர் என்று யாரும் சொல்வது குறைவு தான்..
இதற்கு இரண்டு காரணங்கள் என நான் நினைக்கிறேன்..
சுயநலம் கொஞ்சம் இருப்பது..
இவரால் போட்டிகள் காப்பாற்றப்பட்டது அதிகமே தவிர, வென்றது குறைவு என நினைக்கிறேன்...

அன்று ட்விட்டரில் உங்களுக்கு சொன்னது போல, முரளி பல போட்டிகளை தனித்து இலங்கைக்கு வென்று கொடுத்தாலும், (இவர் எனக்கு மிகப் பிடித்தவராக இருந்தும்) கில்க்ரிச்டின் தனித்துவம், ஏழாம் இலக்கத்துக்கும், விக்கெட் காப்புக்கும் அவர் கொடுத்த புதிய பரிமாணம் (டெஸ்ட்) , ஒருநாள் போட்டிகளின் ஆதிக்கம் ஆகியன கில்க்ரிஸ்ட் முந்தியதுக்கான காரணம் என நினைக்கிறேன்..

LOSHAN said...

Vijayakanth said...
பந்துவீச்சாளர்களை மட்டுமல்ல நடுவர்களையும் அடக்கி ஆளும் தன்மை கொண்டவர்......//

ஒரு தலைவருக்கு இதுவும் வேண்டியது தான்..
அந்தக்கால லொய்ட்,போர்டர்,இம்ரான்கான், ரிச்சர்ட்ஸ் தொடக்கம், கங்குலி,ரணதுங்க, ஸ்டீவ் வோ வரை எல்லோருமே இதை செய்துள்ளார்கள்..


//நடுவர்களிடம் அடிக்கடி முரண்பட்டுக்கொள்ளும் இவருக்கு நடுவர்கள் ஆதரவளித்ததும் ஆச்சரியமே....//
சிறந்த வீரராக இருக்கையில் சிறிய குறைகள் மறைந்துவிடுவது இயற்கையே..

//சச்சினை முந்தாமல் இருக்க கடவுளிடம் பிரார்த்திக்கிறேன்.... ;)
//

ஹா ஹா ஹா.. கடவுளுக்கு இருக்கும் வேலைகளையே பார்க்க முடியலாம்.. இலங்கையில் ஒன்றும் செய்ய முடியாமல் போச்சு.. இப்போ கடைசியாக ஹெய்ட்டியில் அவரால் ஒன்றும் கிழிக்க முடியாமல் போச்சு..
இப்போ உங்களுக்காக சச்சினின் சாதனையைக் காக்கப் போகிறாரா?

பொன்டிங் எப்படியோ சச்சினை முந்தவே போகிறார்.. அதுக்குப் பிறகு கடவுள் என்ன செய்வார்.. ;)

LOSHAN said...

யோ வொய்ஸ் (யோகா) said...
பொண்டிங் இந்த விருதுக்கு மிகவும் தகுதியான வீரர்தான்.


Form is Temporary, Class is permanent
என்பதை இன்றைய போட்டியில் அவர் நிரூபித்து இவ்விருதுக்கு அவர் தகுதியானவர் என வெளிக்காட்டியுள்ளார்//

ஆமாம் யோகா.. பொன்டிங் போராட்ட குணமுடைய ஒரு வீரர்.. ஒழிந்தார் என்று இருந்தால் வந்தேன் என்று கலக்குவார்


============

A.V.Roy said...
It is a correct choice to give this award to Ricky.//

:) tx

LOSHAN said...

குடிகாரன் said...
சரியான தேர்வு ...
பாண்டிங் நல்ல மனிதரும் கூட//

உண்மை தான் குடிகாரன்.. (இப்போ போதை இல்லைத் தானே?) ஆஸ்திரேலிய கிரிக்கெட் வீரர்களின் பெருந்தன்மை இவரிடமும் உள்ளது மகிழ்ச்சி..

உங்கள் சுட்டி பலருக்கும் பொண்டிங்கின் சேவையை எடுத்துக் காட்டும்

LOSHAN said...

Balavasakan said...
எல்லோரையும் விட பொன்டிங் முன்னுக்கு நிற்பது அவரது அபாரமான காரணமாகத்தான் ஒரு முழுமையான கிரிக்கெட் வீரர்..சரியான தேர்வுதான்..

//


உண்மை தான் பாலவாசகன்.. நன்றி வருகைக்கு

ஹாலிவுட் பாலா said...

தமிழ்மண விருதுக்கு வாழ்த்துகள்! :)

சிங்கக்குட்டி said...

"தமிழ்மணம் 2009 விருது" போட்டியில் வெற்றி பெற்று விருது பெற்றமைக்கு என் வாழ்த்துக்கள்.

என்றும் அன்புடன்,
சிங்கக்குட்டி.

யோ வொய்ஸ் (யோகா) said...

தமிழ் மணம் விருதில் வெற்றி பெற்றதுக்கு வாழ்த்துகள் லோஷன்

Nimalesh said...

he is the best choice.. & he proved scoring a double centrey vs Pak soon after he ws announced....

Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner

Certified