August 04, 2009

இதாண்டா புட்சால்..


கொஞ்ச நாளாகவே வெற்றி FM வானொலியில் புட்சால்,புட்சால் பற்றியே பேச்சு.. நானும் அடிக்கடி Facebookஇலும் பற்றி சொல்லி இருந்ததால் சில நண்பர்கள் இதென்னடா புட்சால் என்று குழம்பிக் கேட்டிருந்தார்கள் ..

இன்று கிடைத்த இடைவெளியில் ஏதோ எனக்குத் தெரிந்தவரை, என்னால் முடிந்தவரை இந்த புட்சால்(Futsal) பற்றி...


இதாண்டா புட்சால்..

புட்சால் (Futsal) எனப்படுவது கால்பந்தாட்டத்தின் சுருக்க, விரைவு ஆட்டமாகும். பொதுவாக உள்ளக அரங்கங்களிடையே விளையாடப்படும் இந்த ஆட்டத்தின் பெயர் போர்த்துக்கீசிய & ஸ்பானிய மொழிகளிலிருந்து மருவிவந்துள்ளது.

Futebol de salao என்ற போர்த்துக்கீசிய சொல்லும், Futbol sala / de salon என்ற ஸ்பானியச் சொல்லும் குறிக்கும் பொருள் உள்ளகக் கால்பந்து.

1988 இல் ஸ்பெயின் மாட்ரிட் நகரில் நடைபெற்ற உத்தியோகபூர்வ சம்மேளனத்தில் இவ்வகை ஆட்டங்கள் அனைத்தையும் ஒரே உத்தியோகபூர்வ பெயரால் அழைப்பது என்று தீர்மானம் கொண்டுவரப்பட்டது.

அந்தப்பெயர் தான் Futsal (புட்சால்)

கூடைப்பந்தாட்டம் விளையாடும் மைதானம் அளவுக்கு சிறிய மைதானம். வழமையான கால்பந்தாட்ட கோல் கம்பங்களைவிட (Goal post )சிறிய கோல் கம்பங்கள். கால்பந்தைவிட அளவில் சிறிய அதிகம் மேலெழாத பந்து.

அணிக்கு ஐந்து பேர்... அதிலொருவர் கோல் காப்பாளர்.

மேலதிக வீரர்கள் ஏழுபேரில் விரும்பிய தடவைகள் மாற்றம் செய்யலாம். வழமையான கால்பந்தாட்டத்தில் ஒரு வீரர் மைதானம் விட்டு வெளியேறினால் (பிரதியீடு செய்யப்பட்டால்) மீண்டும் வந்து விளையாடமுடியாது.

ஆனால் புட்சாலில் ஒரு வீரர் எத்தனை தரம் விரும்பினாலும் வெளியே போகலாம்; ஓய்வெடுக்கலாம்; மீண்டும் விளையாட வரலாம்.

இவ்வளவுக்கும் விளையாடும் நேரம் மொத்தமே நாற்பத்தைந்து நிமிடங்கள் தான். கால்பந்தாட்டம் போல போட்டி மத்தியஸ்தர் இருப்பார். அவருக்குத் துணையாக துணை மத்தியஸ்தர்.

கால்பந்தாட்டம் போலவே அதையொத்த விதிமுறைகளும், சிவப்பு,மஞ்சள் அட்டை எச்சரிக்கைகள்,வெளியேற்றங்களும் உள்ளன.

முன்பு பல்வேறு அமைப்புக்கள் புட்சால் விளையாட்டை நிர்வகித்து வந்தாலும் இப்போது கால்பந்து போல இதனையும் FIFAஎன்று அழைக்கப்படும் சர்வதேசக் கால்பந்து சம்மேளனமே நிர்வகிக்கிறது.

பொதுவாக தரைகளில் இல்லாவிடில் செயற்கை மேற்பரப்புக்களில் விளையாடப்பட்டு வந்தாலும் சில நாடுகளில் செயற்கைப் புற்தரையிலும் விளையாடப் படுகிறது.

1930ஆம் ஆண்டளவிலே உருகுவே நாட்டைச் சேர்ந்த யுவான் கார்லோஸ் செரியாணி என்பவர் தான் முதன் முறையாக இந்த வகைப் போட்டிகளை கழகங்களுக்கிடையில் நடத்தி இருக்கிறார்.

பின்னர் பிரேசில்,ஸ்பெயின், போர்ச்சுக்கல் போன்ற நாடுகளில் இது கடற்கரைகளில் வேடிக்கையாக பொழுதுபோக்காக விளையாடப்படும் beach football ஆகவும், இங்கிலாந்து போன்ற நாடுகளில் தெருவோரங்களில் விளையாடப்படும் street footballஆகவும் வளர்ச்சியடைந்து 1971ஆம் ஆண்டு முதலாவது உலகக் கிண்ணம் வரை சென்றது.

போட்டிகளை நடாத்திய பிரேசில் வெற்றிக் கிண்ணத்தைப் பெற்றது.
எனினும் ஒழுங்கான அமைப்பு இல்லாததால் அடுத்த உலகக் கிண்ணம் 14 ஆண்டுகள் கழித்து 1985ஆம் ஆண்டே இடம்பெற்றது.

அதே ஆண்டிலிருந்து FIFA புட்சால் விளையாட்டை பொறுப்பேற்று வரிசைக்கிரமமாக உலகக் கிண்ணப் போட்டிகளை நடாத்தி வருகிறது.

மாறி மாறி ஸ்பெயினும் ப்ரேசிலுமே உலகக் கிண்ணங்களை வென்றுள்ளன. 4 தடவை பிரேசில்.. இரு தடவை ஸ்பெயின் ..

எனினும் உலகில் முதல் பத்து நாடுகளில் மூன்று ஆசிய நாடுகளும் உள்ளன.. தாய்லாந்து, ஜப்பான், ஈரான்..

இலங்கையில் ஒரு சில ஆண்டுகளாக தான் இந்த புட்சால் பிரபலமடைந்து வருகிறது.

எனினும் உள்ளக அரங்கங்கள் எதுவும் இன்னமும் இல்லாததால் சாதாரண மைதானங்களில் மட்டுமே விளையாடப்பட்டு வருகிறது.

இம்முறை எங்கள் வானொலியினால் மேல் மாகாணத்தில் நடாத்தப் படும் மாபெரும் புட்சால் கிண்ணப் போட்டிகள் பற்றிய இந்தப் பதிவையும் வாசியுங்கள்..

இலங்கையில் கால்பந்தாட்டத்துக்கு இருக்கும் ஆதரவு ரசிகர்கள் மட்டத்திலேயே தவிர, அனுசரணை, விளம்பரதாரர் மட்டத்தில் மிகக் குறைவு..

அதனை மாற்றும் விதத்திலேயே தமிழ்பேசுவோர் அதிகமாக நேசிக்கும் இந்த விளையாட்டுப் பக்கம் எங்கள் பார்வையைத் திருப்பியுள்ளோம்..

நேர சுருக்கம், விறுவிறுப்பு,அதிக அணிகளை உள்ளீர்க்கலாம் போன்ற காரணங்களுக்காகவே வழமையான கால்பந்தை விட புட்சாலை நாம் தெரிவு செய்தோம்..
விரைவு, கால நேரம் கருதி சர்வதேச மட்டத்தில் நாற்பத்தைந்து நிமிடங்கள் ஆட்டத்தை
பதினைந்து நிமிடங்களாக்கி இருக்கிறோம்..

இலங்கையில் உள்ளவர்கள், குறிப்பாக கொழும்பில் உள்ளவர்கள் இலவசமாக ஐந்து நாட்களும் இந்தப் போட்டிகளை ரசிக்கலாம்..

(நம்ம புல்லட் சொன்னது போல மினி பதிவர் கூட்டமும் போடலாம்.. அதிக நேரம் நான் மைதானத்திலே தான் நிற்பேன்.. ஒழுங்கமைப்பாளர் இல்ல?)

வந்தியத்தேவன் கேட்டது போல புட்சால் பற்றி விளக்கமாகவே சொல்லி விட்டேன்..
வாங்க இனி விளையாடலாம்.. பார்க்கலாம்..

16 comments:

Nimalesh said...

jus went to wikipidiya & gt to know anna thx for your publish....

யோ (Yoga) said...

கொஞ்சம் ஓவர் அக தான் இன்டர்நெட்ல வேலையோ? வெற்றிய யாரு பார்த்து கொள்வது? lol...........

வந்தியத்தேவன் said...

நன்றிகள் லோஷன் நேரம் கிடைக்கும் போது ஒருதடவை வருகின்றேன். இதுவும் ஒருவகை 20 இருபது போட்டிபோல் தான்.

//இவ்வளவுக்கும் விளையாடும் நேரம் மொத்தமே நாற்பத்தைந்து நிமிடங்கள் தான். //

வெற்றியில் மொத்தம் 15 நிமிடம் என்கிறார்கள். 7 நிமிடம் முதல் பாதி இரண்டாம் பாதி 7 நிமிடம் 1 நிமிடம் இடைவேளை என்கிறார்கள்.

ஆட்ட நேரத்தை நீங்கள் வசதிக்காக மாற்றிவிட்டீர்களா? உள்ளூரில் 10 ஓவர்கள் கிரிக்கெட் விளையாடுவதுபோல்.

//அதனை மாற்றும் விதத்திலேயே தமிழ்பேசுவோர் அதிகமாக நேசிக்கும் இந்த விளையாட்டுப் பக்கம் எங்கள் பார்வையைத் திருப்பியுள்ளோம்..//

பெரும்பாலான தமிழர்கள் கிரிக்கெட்டைவிட உதைபந்தாட்டத்தையே ரசிப்பார்கள். நீங்கள் போட்டி நடத்துமிடத்தில் நிறைய ரசிகர்கள் வருவார்கள். குறிப்பாக ஜாவா லேன் சனம் உதைபந்தாட்ட பிரியர்கள்.

புல்லட் said...

நீங்க உந்த விடய்ங்களை சொல்வதற்கு முன் நாங்கள் இங்கு யூ ட்யுப்பில் பல மட்சுகள் பாக்ரௌண்ட் மியுசிக்கோட பாத்துட்டோம்..நீங்க ரொம்ப லேட்...ஆனாலும் சில விடய்ங்கள் புதியதாக இருந்தது நன்றி..

தயவு செய்து தப்பா நினைத்துக் கொள்ளாதீர்கள் .. உது எங்க நடக்குது? என்னனென்ன மாதிரி நேரங்கள்? பார்வையாளருக்கு சிற்றுண்டி குளிர்பானங்கள் தந்து மகிழ்விக்கிறீங்களா? இனாமாக என்னென்ன கிடைக்கும்? எப்போது பைனல்? இது போன்ற விடய்ங்களையும் தாருங்கள் ;)

.

மதுவதனன் மௌ. / cowboymathu said...

ஊரில விளையாவமே அதுவா இது... அதுக்கு புட்சால் எண்டு சும்மா பேர் வச்சிருக்கிறாங்கள்... எல்லாமே சுருங்கிட்டுது... பந்து கூட பெரிசில்ல டெனில் பந்திலதான் இந்த புட்சால் விளையாடுறது எண்டு சொல்லவேண்டியதுதானே.. :-)

வந்தியத்தேவன் said...

// மதுவதனன் மௌ. ..
ஊரில விளையாவமே அதுவா இது... அதுக்கு புட்சால் எண்டு சும்மா பேர் வச்சிருக்கிறாங்கள்... எல்லாமே சுருங்கிட்டுது... பந்து கூட பெரிசில்ல டெனில் பந்திலதான் இந்த புட்சால் விளையாடுறது எண்டு சொல்லவேண்டியதுதானே.. :‍//

எந்த விளையாட்டு என்றாலும் இன்ரஸ்டாக இருந்தால் சரி ஐயா. இதற்க்குமேல் வாய் திறந்தால் பிரச்சனை.

//புல்லட் said
தயவு செய்து தப்பா நினைத்துக் கொள்ளாதீர்கள் .. உது எங்க நடக்குது? என்னனென்ன மாதிரி நேரங்கள்? பார்வையாளருக்கு சிற்றுண்டி குளிர்பானங்கள் தந்து மகிழ்விக்கிறீங்களா? இனாமாக என்னென்ன கிடைக்கும்? //

எந்த நேரமும் சாப்பாடுதான். நல்ல குளிர்பானங்கள் தாக சாந்திபானங்கள் அனைத்தும் கிடைக்கும். இன்னொரு விடயம் பக்கதிலைதான் நவாவும் ரியோவும். பத்மாவைவிட நல்ல தியேட்டர்கள்

சப்ராஸ் அபூ பக்கர் said...

புட்சால் பற்றி ஒரு விரிவான விளக்கம் கிடைத்தது அண்ணா.... (சில விடயங்களை எவ்வளவு தேடினாலும் பெறுவது கஷ்டம். ஆனால் கிடைத்த சிறிய ஓய்வில் ஒரு நல்ல பதிவு பதிந்திருக்கிறீங்க.....)

வாழ்த்துக்கள் அண்ணா....

ஆதிரை said...

தகவல்களுக்கு நன்றி அண்ணா...

வார இறுதி நாட்களில் ஒரு நாள் புட்சாலில் சந்திக்கலாம் என்ற நம்பிக்கை இருக்கின்றது

சந்ரு said...

பகிர்வுக்கு நன்றி அண்ணா...


//அதனை மாற்றும் விதத்திலேயே தமிழ்பேசுவோர் அதிகமாக நேசிக்கும் இந்த விளையாட்டுப் பக்கம் எங்கள் பார்வையைத் திருப்பியுள்ளோம்..//


நல்ல விடயம் அண்ணா.... இன்று நாம் எங்கோ போய்க்கொண்டு இருக்கிறோம். உங்கள் முயற்சிக்கு வாழ்த்துக்கள் அண்ணா...

ஆ.ஞானசேகரன் said...

விரிவான விளக்கம் மிக்க நன்றி

LOSHAN said...

Nimalesh said...
jus went to wikipidiya & gt to know anna thx for your publish....//

ok சகோதரா..

=============
யோ (Yoga) said...
கொஞ்சம் ஓவர் அக தான் இன்டர்நெட்ல வேலையோ? வெற்றிய யாரு பார்த்து கொள்வது? lol...........

ரெண்டையும் செய்றேனே...

LOSHAN said...

வந்தியத்தேவன் said...
நன்றிகள் லோஷன் நேரம் கிடைக்கும் போது ஒருதடவை வருகின்றேன். இதுவும் ஒருவகை 20 இருபது போட்டிபோல் தான்.

//இவ்வளவுக்கும் விளையாடும் நேரம் மொத்தமே நாற்பத்தைந்து நிமிடங்கள் தான். //

வெற்றியில் மொத்தம் 15 நிமிடம் என்கிறார்கள். 7 நிமிடம் முதல் பாதி இரண்டாம் பாதி 7 நிமிடம் 1 நிமிடம் இடைவேளை என்கிறார்கள்.

ஆட்ட நேரத்தை நீங்கள் வசதிக்காக மாற்றிவிட்டீர்களா? உள்ளூரில் 10 ஓவர்கள் கிரிக்கெட் விளையாடுவதுபோல். //

வாருங்கள் வந்தி.. அநேகமான நேரம் அங்கே தான் இருப்பேன்/நிற்பேன்..

ஆமாம்.. நேர சுருக்கம், அதிக அணிகளை இணைக்க சுருக்கி விட்டோம்..


//அதனை மாற்றும் விதத்திலேயே தமிழ்பேசுவோர் அதிகமாக நேசிக்கும் இந்த விளையாட்டுப் பக்கம் எங்கள் பார்வையைத் திருப்பியுள்ளோம்..//

பெரும்பாலான தமிழர்கள் கிரிக்கெட்டைவிட உதைபந்தாட்டத்தையே ரசிப்பார்கள். நீங்கள் போட்டி நடத்துமிடத்தில் நிறைய ரசிகர்கள் வருவார்கள். குறிப்பாக ஜாவா லேன் சனம் உதைபந்தாட்ட பிரியர்கள்.//

உண்மைதான்.. தமிழர், தமிழ் பேசுவோர் வாழும் பகுதியெல்லாம் அதிகம் கால்பந்து தான்.. இலங்கை தேசிய கால்பந்து அணியிலும் இப்போது ஆறு தமிழ் பேசுவோர் விளையாடுகின்றனர்..

அதில் ஒருவரான மன்னாரை சேர்ந்த கமிலஸ் இப்போது பம்பலப்பிட்டி இந்துவில் பயிற்றுவிக்கவும் செய்கிறார்

LOSHAN said...

புல்லட் said...
நீங்க உந்த விடய்ங்களை சொல்வதற்கு முன் நாங்கள் இங்கு யூ ட்யுப்பில் பல மட்சுகள் பாக்ரௌண்ட் மியுசிக்கோட பாத்துட்டோம்..நீங்க ரொம்ப லேட்...ஆனாலும் சில விடய்ங்கள் புதியதாக இருந்தது நன்றி..//

நீங்க சொன்னது புட்சால் மேட்ச் பற்றித் தானே.. இல்லை பற்றி சொன்னீங்க அது தான்..


தயவு செய்து தப்பா நினைத்துக் கொள்ளாதீர்கள் .. உது எங்க நடக்குது? என்னனென்ன மாதிரி நேரங்கள்? பார்வையாளருக்கு சிற்றுண்டி குளிர்பானங்கள் தந்து மகிழ்விக்கிறீங்களா? இனாமாக என்னென்ன கிடைக்கும்? எப்போது பைனல்? இது போன்ற விடய்ங்களையும் தாருங்கள் ;) //
இலவசமா போட்டி நடக்குது.. வெயில், காற்று இருக்கு.. வேற என்ன வேணும்? ;)
இறுதிப் போட்டிகள் ஞாயிறு.. சனிக்கிழமையும் சில போட்டிகள் இருக்கும்..

வெற்றி கேட்டிங்கலேண்டால் விபரங்கள் உடனுக்குடனை வரும்..

LOSHAN said...

மதுவதனன் மௌ. / cowboymathu said...
ஊரில விளையாவமே அதுவா இது... அதுக்கு புட்சால் எண்டு சும்மா பேர் வச்சிருக்கிறாங்கள்... எல்லாமே சுருங்கிட்டுது... பந்து கூட பெரிசில்ல டெனில் பந்திலதான் இந்த புட்சால் விளையாடுறது எண்டு சொல்லவேண்டியதுதானே.. :-)//

பேரைக் கொஞ்சம் புதுசா வச்சாத் தானே ஒரு kick..
டென்னிஸ் பந்துல அடிச்சா அதுக்குப் பேர் புட்னிஸ்.. ;)

====================

வந்தியத்தேவன் said...
// மதுவதனன் மௌ. ..
ஊரில விளையாவமே அதுவா இது... அதுக்கு புட்சால் எண்டு சும்மா பேர் வச்சிருக்கிறாங்கள்... எல்லாமே சுருங்கிட்டுது... பந்து கூட பெரிசில்ல டெனில் பந்திலதான் இந்த புட்சால் விளையாடுறது எண்டு சொல்லவேண்டியதுதானே.. :‍//

எந்த விளையாட்டு என்றாலும் இன்ரஸ்டாக இருந்தால் சரி ஐயா. இதற்க்குமேல் வாய் திறந்தால் பிரச்சனை.//

ஒரு பிரச்சினை இல்லை ஐயா.. சில பயிற்றுவிப்பளருக்கே தெரியேல்லை.. ஆனால் பாடசாலைப் பையன்கள் கப்பென்று பிடிச்சு விளையாடினாங்க பாருங்க.. அபாரம்

//புல்லட் said
தயவு செய்து தப்பா நினைத்துக் கொள்ளாதீர்கள் .. உது எங்க நடக்குது? என்னனென்ன மாதிரி நேரங்கள்? பார்வையாளருக்கு சிற்றுண்டி குளிர்பானங்கள் தந்து மகிழ்விக்கிறீங்களா? இனாமாக என்னென்ன கிடைக்கும்? //

எந்த நேரமும் சாப்பாடுதான். நல்ல குளிர்பானங்கள் தாக சாந்திபானங்கள் அனைத்தும் கிடைக்கும். இன்னொரு விடயம் பக்கதிலைதான் நவாவும் ரியோவும். பத்மாவைவிட நல்ல தியேட்டர்கள்//

பத்மா யாருங்க? ;)
உங்க பதில் மூலமா புல்லட்டின் இமேஜை டமேஜ் ஆக்கிட்டீங்களே.. ;)

LOSHAN said...

சப்ராஸ் அபூ பக்கர் said...
புட்சால் பற்றி ஒரு விரிவான விளக்கம் கிடைத்தது அண்ணா.... (சில விடயங்களை எவ்வளவு தேடினாலும் பெறுவது கஷ்டம். ஆனால் கிடைத்த சிறிய ஓய்வில் ஒரு நல்ல பதிவு பதிந்திருக்கிறீங்க.....)

வாழ்த்துக்கள் அண்ணா....//

நன்றி அபூ..

==============
ஆதிரை said...
தகவல்களுக்கு நன்றி அண்ணா...

வார இறுதி நாட்களில் ஒரு நாள் புட்சாலில் சந்திக்கலாம் என்ற நம்பிக்கை இருக்கின்றது//
நன்றி ஆதிரை.. ஆமாம் வாருங்கள்.. சனி ஞாயிறும் நிற்பேன்..

LOSHAN said...

சந்ரு said...
பகிர்வுக்கு நன்றி அண்ணா...


//அதனை மாற்றும் விதத்திலேயே தமிழ்பேசுவோர் அதிகமாக நேசிக்கும் இந்த விளையாட்டுப் பக்கம் எங்கள் பார்வையைத் திருப்பியுள்ளோம்..//


நல்ல விடயம் அண்ணா.... இன்று நாம் எங்கோ போய்க்கொண்டு இருக்கிறோம். உங்கள் முயற்சிக்கு வாழ்த்துக்கள் அண்ணா...//

நன்றி சந்ரு

=============

ஆ.ஞானசேகரன் said...
விரிவான விளக்கம் மிக்க நன்றி//


நன்றி நண்பா

Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner

Certified