March 30, 2009

இந்தியாவுக்கு சோதனை..சுவருக்கு மேலும் சாதனைகள்..


நேப்பியர் டெஸ்ட் போட்டியில் தோல்வியிலிருந்து தப்புவதற்கு இந்தியா போராடிவரும் நிலையில், நேற்றைய (ஞாயிறு) நாள் முழுவதும் மந்தகதியில் ஆடி இந்தியா ஒரு நம்பிக்கையை வரவழைத்துள்ளது.. ஆபத்தான கட்டத்தை இந்திய அணி தாண்டிவிட்டது என்கிறார்கள் கிரிக்கெட் விற்பன்னர்கள்..எனக்கென்னவோ இன்னமும் மொத்த ஓட்ட எண்ணிக்கையை முழுவதுமாகத் தாண்டாத நிலையில் இன்னும் ஒரு விக்கெட் போனாலும் இந்தியா சிக்கலில் மாட்டிக் கொள்ளும் என்ற நிலை தான் இருப்பதாகத் தோன்றுகிறது..நியூசீலாந்து அணியை மீண்டும் துடுப்பெடுத்தாட வைக்கவே இன்னமும் 62 ஓட்டங்கள் இருக்கும் நிலையில் இன்றைய இறுதி நாள் ஆடுகளம் வேறு..  

நம்பிக்கை எல்லாம் கம்பீர், சச்சின் மற்றும் லக்ஸ்மன் மீது தான் .. 
பார்க்கலாம்.. நியூசீலாந்து அணியும் இறுதி வரை போராடும் அணி என்ற காரணத்தால் ஒரு கை பார்க்கவே நினைப்பார்கள்..

ஆனால் இந்திய எப்படியாவது இந்தப் போட்டியில் தோல்வியிலிருந்து தப்பித்துக் கொண்டால் அதற்கு முக்கிய காரணங்களில் ஒருவரான இந்தியத் துடுப்பாட்ட பெருஞ்சுவர் ராகுல் டிராவிட் நேற்று (இந்தபதிவு போடும் நேரம் நள்ளிரவைத் தாண்டியுள்ளதால்) மேலும் மூன்று புதிய சாதனைகளுக்கு சொந்தக்காரர் ஆகியுள்ளார்.

இந்திய அணி சார்பாக அதிக டெஸ்ட் போட்டிகளில் இரு இன்னிங்க்சிலும் அரைச் சதங்கள் பெற்றவர் (10)

உலகிலேயே டெஸ்ட் போட்டிகளில் அதிக சத இணைப்பாட்டங்களின் பங்காளர். (75 தடவை சத இணைப்பாட்டங்களில் இணைந்திருக்கிறார்)

டெஸ்ட் போட்டிகளில் அதிக நேரம் ஆடுகளத்தில் (மைதானத்தில் அல்ல) கழித்தவரும் இப்போது டிராவிடே. (முன்னர் இந்த சாதனை ஆஸ்திரேலிய முன்னாள் தலைவர் அலன் போர்டருக்கு சொந்தமாக இருந்தது)

இந்த சாதனை எப்படியும் சுவருக்கு சொந்தமாகாவிட்டால் பெயர் பொருத்தம் இல்லையே..

டிராவிட் எவ்வளவு தான் மிகப் பொறுமையாக (நியூசீலந்து பார்வையாளர்கள் கொட்டாவிகளை kilo கணக்காக விடும்படி) ஆடினாலும் கூட தனது டெஸ்ட் வாழ்க்கையின் 15வது ஆறு ஓட்டத்தை (sixer) நேற்றுப் பெற்றது ஒரு புதுமை தான்.. கிட்டத்தட்ட ஒரு வருடத்தின் பின்னர் டிராவிட் இடமிருந்து ஒரு சிக்சர். (கவாஸ்கர் கூட 26 சிக்சர் அடித்துள்ளாராம்)

பார்க்கலாம் இந்தியா தப்புமா இல்லை வழமை போல் இறுதிநாள் ததிங்கினத்தோம் தானா என்று..




8 comments:

Anonymous said...

He He HE. Good Comment about Dravid. //(நியூசீலந்து பார்வையாளர்கள் கொட்டாவிகளை kilo கணக்காக விடும்படி)//

Team First. Others are second.

(But Loshan i think you are an idain supporter. Thats why you are always prise INDIA & AUS. Just before AUS lost the 2nd T20)

King Viswa said...

லோஷன்,

இந்தியா இந்த மேட்சை டிரா செய்யும் என்பதே என்னுடைய எண்ணம். நீங்கள் என்ன சொல்கிறீர்கள்? வெற்றி வாய்ப்பு பெற நியுசிலாந்து நாளை காலையிலேயே இரண்டு விக்கெட்டுகளை எடுக்க வேண்டி இருக்கும்.

டெண்டுல்கர் தங்கினால் டிரா தான். என்ன சரியா?

கிங் விஸ்வா.
தமிழ் காமிக்ஸ் உலகம்

தமிழ்நெஞ்சம் said...

good post.

nimalesh said...

india have saved the game anna

Ithayam said...

good post

கிருஷ்ணா said...

சுவரைப்பற்றி எழுதியிருப்பதைப் பார்த்ததும், நம்ம ABC சுவர் கிரிக்கெட் ஆட்டத்துக்கு வந்துட்டாரோன்னு நினைச்சேன் :)

LOSHAN said...

Anonymous said...
He He HE. Good Comment about Dravid.//

இல்லாம.. கிட்டத்தட்ட மைதானத்தில் பந்தி வச்சு சாப்பிட்டு தூங்கினாலும் தூங்கிடுவார் போல அப்படி ஒரு ஒட்டு..

//Team First. Others are second.//
ஆனால் அணிக்குத் தேவை என்ற காரணத்தினால் டிராவிடின் அந்த ஆட்டம் அப்படியொரு மகத்துவமானது.

No my dear.. i love Australian professionalism and I admire Indian fight back,.. But i m always a Sri lankan cricket supporter..


King Viswa said...
லோஷன்,

இந்தியா இந்த மேட்சை டிரா செய்யும் என்பதே என்னுடைய எண்ணம். நீங்கள் என்ன சொல்கிறீர்கள்?//
விஸ்வா நான் எதிர்பார்க்கவில்லை.. நீங்கள் எதிர்பார்த்தபடி நடந்தது மகிழ்ச்சி.. இந்தியாவின் அபார போராட்டம்..

//டெண்டுல்கர் தங்கினால் டிரா தான். என்ன சரியா?//
சச்சின் போயும் வென்றது பெரிய விஷயம்..

நன்றி தமிழ்நெஞ்சம்


nimalesh said...
india have saved the game anna//
ஆமாம் நிமலேஷ்.. எனது நிகழ்ச்சியிலே இந்திய சமநிலை செய்ததைப் பற்றி சொல்லிவிட்டு தான் வந்தேன்.. :)

LOSHAN said...

நன்றி இதயம்..

கிருஷ்ணா said...
சுவரைப்பற்றி எழுதியிருப்பதைப் பார்த்ததும், நம்ம ABC சுவர் கிரிக்கெட் ஆட்டத்துக்கு வந்துட்டாரோன்னு நினைச்சேன் :)//

அடப்பாவி அந்த மனுசன் விளையாடுற விளையாட்டே வேற.. அவரின் பெயர்க் காரணமும் வேற..

எனகென்றால் எப்போது pants belt போடும் போதும் அந்த சுவர் ஞாபகம் வரும். ;)

Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner

Certified