February 23, 2009

கிரிக்கட் ரசிகர்களுக்கு மட்டும்


ஒரேநாளில் நான்கு சாதனைகள் -  ஐந்து மைல் கற்கள்.

இலங்கை பாகிஸ்தான் அணிகளுக்கிடையிலான கராச்சி டெஸ்ட் (முதலாவது டெஸ்ட்) போட்டியின் இரண்டாவது நாள் ஆட்டத்தில் தான் இத்தனை பரபரப்புக்களும்.

முதல் நாளிலேயே ஆதிக்கம் செலுத்திய இலங்கை அணி அண்மைய ஒரு மாத காலமாக இந்திய அணியிடம் வாங்கிக் கட்டியதை எல்லாம் பரிதாபமான பாகிஸ்தான் அணிக்குத் திருப்பிக் கொடுத்தது. இன்று ஆரம்பிக்கும் மூன்றாவது நாளிலும் முரளி & மென்டிஸ் மற்றும் குழுவினர் விட்ட இடத்திலிருந்து தொடருவர் என எதிர்பார்க்கப்படுகிறது.

நேற்றைய நாளில் நிலைநாட்டப்பட்ட புதிய சாதனைகள் - 

கராச்சி தேசிய மைதானத்தின் பெறப்பட்ட அதி கூடிய மொத்த ஓட்ட எண்ணிக்கை- 644/7.

முன்னைய சாதனை 2006ஆம் ஆண்டில் பாகிஸ்தானிய அணி -  இந்திய அணிக்கெதிராக பெற்ற 599/7  ஓட்டங்கள்.

4வது விக்கெட்டுக்கான உலக சாதனை இணைப்பாட்டம்.
மகேல ஜெயவர்த்தன & திலான் சமரவீர 437 ஓட்டங்கள்.

52வருடகாலம் இருந்த முன்னைய சாதனை
1957இல் இங்கிலாந்தின் பீட்டர் மே & M.C.கௌட்ரி மேற்கிந்தியத் தீவுகளுக்கெதிராகப் பெற்றது 411 ஓட்டங்கள்.

இதன்மூலம் தற்போது துடுப்பாட்ட இணைப்பாட்டங்களில் 2ஆம்,3ஆம்,4ஆம் விக்கெட்டுக்களுக்கான உலக சாதனைகளும் இப்போது இலங்கையின் அணியின் வசம்.

இதிலே மிக அதிக ஓட்டங்கள் பெறப்பட்ட முதலிரு உலக சாதனை இணைப்பாட்டங்களும் இலங்கை அணிக்குரியதே 
மகேள ஜெயவர்த்தன & குமார் சங்ககார 2006இல் தென் ஆபிரிக்க அணிக்கெதிராக 624.
சனத் ஜெயசூரிய & ரொஷான் மஹாநாம -1997இல் இந்தியாவுக்கெதிராக 576.

கராச்சி தேசிய மைதானத்தில் பெற்றப்பட்ட எல்லா விக்கெட்டுக்களுக்குமான இணைப்பாட்டம்.
முன்னைய சாதனை 
ஆமிர் சொகைல் & இஜாஸ் அகமெட் 1997இல் மேற்கிந்தியத்தீவுக்கேதிராக 298 ஓட்டங்கள்.     

அது போல இவ்விரண்டு அணிகளுக்கிடையிலான டெஸ்ட் போட்டிகளில் பெறப்பட்ட அதிகூடிய ஓட்ட எண்ணிக்கையும் இப்போது இலங்கையின் வசம்.
முன்னைய சாதனை 2000ஆம் ஆண்டில் பாகிஸ்தானிய அணி காலி மைதானத்தில் பெற்ற 600/8  ஓட்டங்கள்.

மைல் கற்கள்

நேற்று முன்தினம் மகேல தனது 8000 ஓட்டங்களைக் கடந்தார். (இலங்கையின் முதலாமவர்;உலகளாவிய ரீதியில் 20வது) 

நேற்று திலான் சமரவீர டெஸ்ட் போட்டிகளில் 3000 ஓட்டங்களைக் கடந்தார் (வீட்டிலே முதல்நாள் திலான் சமரவீர ஆடுகளத்துக்கு வந்தநேரம் அப்போது அவர் 2800 ஓட்டங்களில் இருந்தவேளை எனது தம்பியிடம் வேடிக்கையாக சமரவீரவின் 3000 ஓட்டங்கள் கராச்சியில் தான் என்று மூக்குசாத்திரம் சொல்லியிருந்தேன்.)

மகேல சமரவீர இருவரும் வெளிநாடொன்றில் தமது முதலாவது இரட்டைச் சதங்களைப் பெற்றனர். இலங்கை அணியின் சார்பில் வெளிநாட்டு மண்ணில் ஓரே இனிங்சில்,ஓரே டெஸ்டிலும் கூட இரு வீரர்கள் இரட்டைச் சதங்கள் பெற்ற முதல் தடவை இது.

சமரவீரவின் அதிக பட்ச டெஸ்ட் ஒட்ட எண்ணிக்கை நேற்றுப் பெற்ற 231! 

முரளியின் பந்துவீச்சில் மகேல எடுத்த 70வது பிடி! 
இந்த இருவரது இணைப்பே விக்கெட் காப்பாளரல்லாத களத்துடுப்பாட்ட வீரரும் (Non wicket keeping fielder) பந்துவீச்சாளரும் இணைந்து அதிக விக்கெட்டுக்களை வீழ்த்திய சாதனையின் சொந்தக்காரர்கள்!

மகேலவின் ஆட்டம் அவர் மீதான கடுமையான விமர்சனம் தொடுத்தோருக்கும் அழுகுணி அரசியலாட்டம் ஆடித் தலைமைப் பதவியை அவர் விட்டு விலகுவதாக அறிவிக்க சதி புரிந்த சிலருக்கும் கன்னத்தில் விட்ட அறைபோல இருந்திருக்கும்.


ஆங்கிலத்தில் 'Form is temporary but Class is permanent' என்பதை மகேல நிரூபித்துள்ளார்.

இலங்கை அணி இரண்டு டெஸ்ட் போட்டிக்களையும் வென்று நாடு திரும்பிய பின் (பார்க்கும்போது அப்படித்தான் தோன்றுகிறது) ஜனாதிபதி மகேலவை அழைத்து (அவருக்கு இருக்கும் 'பிஸி'யான வேலைகளில் மத்தியிலும்) மகேலவைத் தொடர்ந்தும் இலங்கை கிரிக்கெட் அணியின் தலைவராகத் தொடரச் சொல்வார் என்று நான் நினைக்கிறேன்!

பார்க்கலாம் நடக்குதா என்று!

 

15 comments:

தமிழ் மதுரம் said...

அப்ப நாம எல்லாம் உள்ளை வரக் கூடாதா???

ARV Loshan said...

அய்யய்யோ நீங்கள் எல்லாம் வராமலா? வாங்க வாங்க..

தலைப்பு சும்மா ஒரு 'இது'க்காக .. ;)

Anonymous said...

//ஜனாதிபதியை அழைத்து (அவருக்கு இருக்கும் 'பிஸி'யான வேலைகளில் மத்தியிலும்) மகேலவைத் தொடர்ந்தும் இலங்கை கிரிக்கெட் அணியின் தலைவராகத் தொடரச் சொல்வார் என்று நான் நினைக்கிறேன்!//

ஜனாதிபதி மகேலவை அழைத்து... அப்படிதானே.. :D

பலிக்கட்டும் உங்க மூக்குசாத்திரம்

வேத்தியன் said...

நாம கால்பந்து ரசிகனாச்சே...
உள்ள வந்துட்டமே...
லோஷன் அண்ணே ரஹ்மான் ரெண்டு ஒஸ்கார் வென்றுள்ளார்.
நம்ம கடைக்கு வந்து ஒரு வாழ்த்து சொல்லிட்டு போறது...

Anonymous said...

காலையில் இணையதளத்த்ல் செய்தி வாசிக்கும் பொது நண்பியிடம் கூறினேன் அண்ணா உங்களின் அடுத்த பதிவு இலங்கை அணி பற்றியே இருக்கும் என்று

அனாலும் அடுத்து முடிவு எப்படி இருக்கும் என்று ஒரு குழப்பமாகா இருக்கு
நீங்க கூறிய மாதிரி நடந்தால் மகிழ்ச்சியே

Anonymous said...

Hi

உங்கள் வலைப்பதிவை வலைப்பூக்களில் பதித்ததற்கு நன்றி. அதன் இணைப்பை இங்கு பார்க்கவும். வேகமாக வளர்ந்து வரும் தமிழ் இனத்தின் இணையத்திலும் தங்களை பதிவு செய்து கொள்ளவும்.

நட்புடன்
வலைபூக்கள்/தமிழ்ஜங்ஷன் குழுவிநர்

Anonymous said...

//(வீட்டிலே முதல்நாள் திலான் சமரவீர ஆடுகளத்துக்கு வந்தநேரம் அப்போது அவர் 2800 ஓட்டங்களில் இருந்தவேளை எனது தம்பியிடம் சமரவீரவின் 3000 ஓட்டங்கள் கராச்சியில் தான் என்று மூக்குசாத்திரம் சொல்லியிருந்தேன்.)// இனி மூக்குசாத்திரம் நிகழ்ச்சி ஒன்னு தொடங்கலாம் (வெற்றி F.M.மில்) யாருடைய தல உறுலப்போகுதோ?

Gajen said...

Stats க்கு நன்றி அண்ண..இதுகல நேட்டு சொல்லேக்க கேட்டுக் கொண்டு இருந்தனான்..

//மகேலவின் ஆட்டம் அவர் மீதான கடுமையான விமர்சனம் தொடுத்தோருக்கும் அழுகுணி அரசியலாட்டம் ஆடித் தலைமைப் பதவியை அவர் விட்டு விலகுவதாக அறிவிக்க சதி புரிந்த சிலருக்கும் கன்னத்தில் விட்ட அறைபோல இருந்திருக்கும்.//

ஆமேன்..

ஆதவா said...

சாதனை படைத்த வீரர்களுக்கு என் வாழ்த்துக்கள்.

பாவம் பாகிஸ்தான்.... ரொம்ப வீக்கா இருக்கு!!!

Anonymous said...

எண்ட ராசா, எண்ட தங்கம் இலங்கை அணியப்பற்றி இவ்வளவு சந்தோசமான செய்திய தந்ததற்கு எனது நன்றிகள்,சாதனை மன்னர்களுக்கு வாழ்த்துக்கள்

இலங்கை அணி இரண்டு டெஸ்ட் போட்டிக்களையும் வென்று நாடு திரும்பிய பின் (பார்க்கும்போது அப்படித்தான் தோன்றுகிறது) ஜனாதிபதி மகேலவை அழைத்து (அவருக்கு இருக்கும் 'பிஸி'யான வேலைகளில் மத்தியிலும்) மகேலவைத் தொடர்ந்தும் இலங்கை கிரிக்கெட் அணியின் தலைவராகத் தொடரச் சொல்வார் என்று நான் நினைக்கிறேன்!

Mathu said...

Mahela all the wayyyyyyy :)
He has proved again :)

Anonymous said...

Waiting for an article about A.R.Rahman's victory....

Anonymous said...

அவங்களும் போட்டுத்தாக்குறாங்களே இப்ப என்ன சொல்லுறீங்கள்!!!
பாகிஸ்தான் மைதானங்களி match வைக்கிறனேரம் போட்டியை நடத்தாமலே draw என அறிவிக்கலாம்

பிரணவன் said...

ஜனாதிபதி மகேலவை அழைத்து (அவருக்கு இருக்கும் 'பிஸி'யான வேலைகளில் மத்தியிலும்) மகேலவைத் தொடர்ந்தும் இலங்கை கிரிக்கெட் அணியின் தலைவராகத் தொடரச் சொல்வார் என்று நான் நினைக்கிறேன்!
----------------
செல்லி வைத்தது போல செல்றீங்கோ??
தலையங்கம் சமதானப்படுத்துவதாக இருக்கிறதே..!

ஆதவா said...

நல்ல அலசல்... ஒரு நிமிடம் வாயைக் கட்டி வைத்துவிட்டீர்கள்.

ஏ.ஆர் ரஹ்மானை எல்லா பதிவர்களைப் போன்று சலிப்பாக புகழாமல் என்ன செய்தார் என்பதை பட்டியிலிட்டதே பிரமாதம்...

Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner

Certified