January 21, 2009

வேலை வெட்டியற்ற அமெரிக்கரும்,வேலை தொடங்கிய ஜனாதிபதியும்

நேற்று இரவு அநேகமாக எந்தத் தொலைக்காட்சியைத் திருப்பினாலும் ஒரே ஒபாமா மயம் தான்! நம்ம தமிழ்மொழியின் சன்,விஜய்,கலைஞர் போன்ற ஒரிரண்டு நல்ல சனல் தவிர ஏனைய அநேக அலைவரிசைகளில் அமெரிக்காவில் 44வது ஜனாதிபதியாக பராக் ஒபாமா பதவியேற்கும் சரித்திரபூர்வ நிகழ்வு நேரடியாக ஒளிபரப்பாகிக் கொண்டிருந்தது.

இன்றும் ஒபாமாவா என்று சலிக்காதீர்கள்.. நிறைய விஷயங்கள் எங்களுக்குப் பாடங்கள்.. படங்களையும் பாருங்கள் புரியும்

அதிகம் நீண்டதாக இல்லாமல் தேவையற்ற ஆளுங்கட்சி வெற்றி பெற்றவரின் புகழ்பாடாமல் முன்னைய ஜனாதிபதிகளையும் மறக்காமல் (அவர்கள் எந்தக் கட்சியாக இருந்தாலும்) சம்பிரதாயபூர்வமாக மிக நேர்த்தியாக நேரந் தவறாமல் சுருக்கமாக பதிவியேற்பு நிகழ்வுகள் இடம்பெற்றன.

அமெரிக்காவின் 1937இல் திருத்தியமைக்கப்பட்ட புதிய அரசியல் யாப்பின்படி ஒவ்வொரு நான்கு ஆண்டுகளுக்கும் ஒரு தடவை ஜனவரி 20ஆம் திகதி நண்பகல் 12மணிக்குப் புதிய ஜனாதிபதியும் உப ஜனாதிபதியும் தங்கள் கடமைகளைப் பொறுப்பேற்று சட்டரீதியாகப் பணிகளை ஆரம்பிக்க வேண்டும். நம்நாட்டு அரசியல்வாதிகள் மாதிரி விரும்பிய நேரம் விரும்பிய இடத்தில் ஆடம்பரமாக எல்லாம் பதவியேற்பு விழா நடாத்த முடியாதுங்கண்ணா!

அமெரிக்கர்கள் தங்களைப் பற்றிப் பெருமையுடன் புகழ்ந்து கொள்வதைப் போல அமைதியாக பதவி மாற்றம் புஷ்ஷிடமிருந்து ஒபாமாவுக்கு மாறியது. 

ஒபாமா தேர்தலில் எப்போதோ வெற்றி பெற்றும் நேற்றுப் பதவியை அவர் பைபிள் மீது சத்தியப்பிரமாணம் செய்து பொறுபேற்கும் வரை ஜோர்ஜ் புஷ் மிக மரியாதையுடன் 'ஜனாதிபதி' என்றே அழைக்கப்பட்டார் என்பது நாங்கள் எல்லோரும் கற்றுக் கொள்ள வேண்டிய ஒரு அரசியல் நாகரிகப் பாடம்! 

இப்போதே நாற்காலியின் நுனியிலா? சிரிக்கும் ஒபாவும்,சீரியசான ஒபாமாவும்


நான் இதிலெல்லாம் மிக உன்னிப்பாக ரசித்தது நேற்றைய நாளின் நாயகன் பராக் ஒபாமாவை! தனது வழமையான trademark உடை, சிந்தனை வயப்பட்ட முகத்தில் ஒரு கீற்றான புன்னகை!  வெற்றி பெற்ற பெருமிதமோ கர்வமோ பதவியின் கனத்தையோ காட்டாத முகம்! எப்போதையும் விட சற்று பதட்டமாக நெற்றிக் கோடுகள் (இருக்காதா எத்தனை பேரை எத்தனை சவால்கள் எத்தனை விமர்சனங்களை எத்தனை நாடுகளை சமாளிக்க வேண்டும்) இவற்றின் மத்தியிலும் சற்றும் தடுமாறாமல் ஒரு தடவை கூட நின்று யோசிக்காமல் சிறு துண்டு பேப்பர் கூட பார்க்காமல் உரையாற்றிய  விதம் இருக்கே!

என்ன சொல்லலாம்! அற்புதம்! class! marvellous!
கென்னடிக்குப் பிறகு தலை சிறந்த அமெரிக்க பேச்சாளார் இவர் என்கிறார்கள்.. 

ஒரு சீரான நதி நடப்பது போல தெள்ளிய ஆங்கிலத்தில் அழகாக இருந்தது அவர் உரை.. இடையிடையே அமெரிக்கரை உணர்சிப்படுத்த வழக்கமான அமெரிக்க ஜனாதிபதிகளின் பாணியில் வீர வசனங்கள் சொன்னாலும் கூட, அனைவருக்கும் சம உரிமை, அனைவருக்கும் சம பொறுப்பு, புதிய மாற்றத்துக்கான தேவை,பொருளாதார வீழ்ச்சி கண்ட அமெரிக்காவை மீண்டும் கட்டியெழுப்ப அனைவரும் இணையவேண்டும் போன்றவற்றை வலியுறுத்தியபோது, வழக்கமான ஒரு அமெரிக்க ஜனாதிபதியாக இல்லாமல் ஒரு உத்வேகமான புதிய தலைமுறைத் தலைவரை நான் கண்டேன்.


      முன்னைய முதல் தம்பதியும், புதிய முதல் தம்பதியும்

எல்லா நிகழ்வுகளும் முடிந்து ஒவ்வொருவராகக் கிளம்பிய பின் இறுதியாக ஒபாமா தம்பதியரும், உப ஜனாதிபதி ஜோ பிடென் தம்பதியரும் காங்கிரஸ் கட்டட படிக்கட்டுக்களில் நின்று கொண்டு, பதவியில் இருந்து விடைபெற்றுச் செல்லும் புஷ் தம்பதியரை ஹெலிகோப்டேரில் ஏற்றி விடை கொடுத்த காட்சி ஒரு கவிதை..  

 தம்பி, நாடு உன் கையில்;நடத்து நீயாவது நல்லபடியாக .. புஷ் சொல்கிறாரோ ஒபாமாவுக்கு

இனி வெள்ளை மாளிகை எங்கள் வீடு , நன்றி நீங்கள் செல்லலாம் என்று அமைதியாக சொன்னது அந்தக் காட்சி..

எல்லாம் சரி, நேற்று அமெரிக்காவின் தலைநகர் வாஷிங்க்டனில் திரண்டவர்கள் மொத்தம் இரண்டு மில்லியன் பேர்.. தொலைக்காட்சிகள் காட்டிய காட்சிகளின் படி அந்த நாட்டின் எல்லா மூலைகளிலுமே ஒபாமா பதவியேற்பை நேரடியாகவே மக்கள் பல்வேறு இடங்களில் திரண்டிருந்து இந்த ஒரு மணி நேர உற்சவத்தைப் பார்த்த வண்ணம் இருந்தனர்..

                  அலைகடலெனத் திரண்டுவந்த அமெரிக்கா   

தேர்தல்,அரசியல்,விழாக்கள் என்றால் பொதுவாக நம் ஆசிய நாடுகளில் தான் மக்கள் நேர,காலமின்றித் திரண்டு வேலைகளையும் விட்டுவிட்டு வெட்டியாவதுண்டு.. உலகின் முன்னணி நாடு அமெரிக்காவிலுமா? 

இத்தனை பேரும் நேற்று ஒரு வேலை நாளில் பகல் வேளையில் திரண்டு நின்றது வேடிக்கையாய் இல்லை? 

ஒரே ஒரு விஷயம் ஒபாமா நேற்றே தனது முதலாவது அரச பணி ஆவணத்தில் கையெழுத்திட்டு விட்டார்.. நடக்கட்டும் நடக்கட்டும்..

புது விளக்குமாறு நல்லாக் கூட்டப்போகுதா? இல்லை எப்போதுமே நல்லவற்றை உலகில் கூட்டப் போகிறதா? (அதிகரிக்க)   

கறுப்பின விடுதலைப் போராளி மார்ட்டின் லூதர் கிங்கை(MLK) ஞாபகப்படுத்தும் பதாகை.. அருகேயே ஒன்றுபட்டு முன்னேற அழைப்பு..

22 comments:

அ.மு.செய்யது said...

பொறுமையாக அழகாக இருந்தது உங்கள் வர்ணனை..

விழாவில் ஒபாமா ஆடிய நடனத்தை மறந்து விட்டீரே !!!!

KVR said...

//தமிழ்மொழியின் சன்,விஜய்,கலைஞர் போன்ற ஒரிரண்டு//

சன் நியூஸ்ல லைவ் ஓடுச்சே!!

Mathu said...

Oh wow he is left-handed! :D Sorry, I was a bit over-excited when I saw the pic of him signing :)

இர்ஷாத் said...

அண்ணா அமெரிக்காவுல பதவியேற்பு நாள் ஒரு விடுமுறை நாளுங்கண்ணா

நம்நாட்டு அரசியல்வாதிகள் மாதிரி விரும்பிய நேரம் விரும்பிய இடத்தில் ஆடம்பரமாக எல்லாம் பதவியேற்பு விழா நடாத்த முடியாதுங்கண்ணா



அதே மாதிரி விரும்பிய நேரம் தேர்தல் நடத்துவதை விட்டுடீங்களே

"அரசியல், நாகரிகப் , பாடம்" அப்பிடீன்னா என்ன என்று நம்ம அரசியல்வாதிகள் கேக்குறாங்க !

நாற்காலியின் நுனியிலா? சிலர் அதை ஆயிசுக்குமான சொத்தாக நினைப்பதால் தான் கர்வமாக சிறிதும் இடைவெளி விடாமல் ஆக்கிரமித்து இருக்கிறார்கள்.

ஒபாமா சவால்களை வென்றாலும் வெல்லாவிட்டாலும் தனது கனவான் உடை நடை பாவனைகளில் மக்களை வென்று விட்டார்.. அமெரிக்கர் மாதிரி ஒரு கனவான் விவாதம் நடத்தவாவது இங்கு முடியுமா?

Thusha said...

நேற்றைய தினம் TV பார்த்துக்கொண்டு இருக்கும் போதே நண்பி கூறினால் நாளை இதைப்பற்றி தன் நீங்கள் எழுதுவிங்கள் என்று அதே மாதிரி எழுதிட்டிங்கள் அண்ணா

Sinthu said...

gr8 president...........
Everyone knows.....
thxs for ur post anna

Sinthu said...

நீங்கள் எழுதுவீர்கள் என்பது எதிர் பார்த்ததே......
காலை வெற்றியின் விடியலுக்கு பின்னர் பதவிப் போடுவீர்கள் என்று நினைத்தேன்.. பலதடவை ஏமாறிய பின்னர் தான் போட்டிருக்கிறீர்கள்....

T.RAGAVAN said...

ஆமா லோஷன் அண்ணே, ஒபாமாவும் இடதுகை பழக்கம் உள்ளவரா? இடதுகை பழக்கம் உள்ளவங்க பெரிசா சாதிப்பாங்ககலாமே?

prapa said...

நீங்க சொன்னா சரியாதான் இருக்கும் பாஸ் ..........

Anonymous said...

ஒரு வானொலி அறிவிப்பாளர் என்பது உரை நடையிலேயே தெரியுது. நல்ல flow.
ஒபாமாவை இப்ப ரசிகிறீர்கள்.. போகப் போக புளிக்குமோ தெரியாது..

ரஞ்சன் - கொழும்பு

தபோதரன் said...

லோஷன்,
சிறு துண்டு கடதாசியைக் கூடப் பார்க்காமல் உரையாற்றியதில் ஒரு ரகசியம் இருக்கு.

நீங்கள் போட்ட மூன்றாவது படத்தில் பாருங்கள் ஒரு சிறு வெள்ளை நிற சதுரம் தெரிகிறது. மைக்கில் பேசுபவர் உரையாற்ற உரையாற்ற அதில் வசனங்கள் வந்து கொண்டிருக்கும்.
கிட்டத்தட்ட தொலைக்கட்சியில் செய்தி வாசிப்பவர்கள் பார்த்து வாசிக்கும் ரெலி ரீடர் போல.
வேறு சில படங்களில் பார்த்தீர்கள் என்றால் இந்த ரெலி ரீடர்கள் பேசுபவரின் இரண்டு பக்கமும் இரண்டு சிறிய சதுரக் கண்ணாடித் துண்டுகளைப் போசிருக்கும். குறிப்பாக அமெரிக்க ஜனாதஇபதிகள் உரையாற்றும் போது அப்படி இரண்டு பக்கமும் இருக்கும்.

------

எனக்கும் இந்த அலட்டலில்லாத பதவியேற்பு வைபவம் மிகவும் பிடித்திருந்தது.

~ தபோதரன்

Maximum India said...

//பொறுமையாக அழகாக இருந்தது உங்கள் வர்ணனை..//

வழிமொழிகிறேன்

நல்ல பதிவு நண்பரே

வாழ்த்துக்கள்.

மெல்போர்ன் கமல் said...

லோசன் யார் வந்தும் என்ன?? எமக்கு ஏதும் ஆகப் போவதில்லையே?? நல்ல தகவல்கள். நன்றிகள்.

Anonymous said...

Loshan Please review your caption under 2nd Picture.
Thapotharn Talk about Teleprompter but I dont thing Obama used that to give that speech unless teleprompter attached to the camera he is facing. I was watching him when give that speech his eye never waver.

Mano

தபோதரன் said...

அனானி,
நானும் லைவ் ஆகப் பார்த்தேன்.

அந்த உபகரணத்தின் பெயரைச் சரியாகச் சொன்னதற்கு நன்றி

நம் ஆத்மார்த்த நண்பன் கூகிளைக் கேட்டேன் எப்படிப் பேசினார் என்று.

வந்த பதில்கள் பல. அவற்றில் ஒன்று இதோ
http://answers.yahoo.com/question/index?qid=20090120195232AAUA6ah

நன்றி,
தபோதரன்
---------------
ஸ் ஸ் ஸ் ஸ் ஸ் ..........
அன்னனியாய் வந்து பதிலிடுவதில் தான் என்ன..... ஒரு சுகம்

வின்னர் படத்தில் வடிவேலு இரண்டு காலையும் விரித்துக் கொண்டு படுத்த வாக்கில் சொல்வது போலச் சொல்லிப் பார்க்கவும்.

Anonymous said...

Anna did u notice...
He said "this country has christians,jews,muslims and HINDUS"...
other 3 religions r popular alright..wonder y he mentioned HINDUS???
San~j

Anonymous said...

and its just 0.4% of total american populations..

like indian constitution, he may taken all other people not following the relegions mentioned 3 relegions are hindu... :)

Anonymous said...

இந்திய அரசியல் யாப்பு சொல்வது போல் மேலே சொல்லப்பட்ட மூன்று மதத்தையும் பின்பற்றாதவர்கள் இந்துக்கள் என அவரும் நினைத்திருக்கலாம்..

அமெரிக்க சனத்தொகையில் இந்துக்கள் 0.4 %சத வீதம் மட்டுமே

Anonymous said...

This for thabotharan

I am not blogger or any kind of ID's I'm just a reader of blocks thats why I came as Anonymous if you wish I will put my email address for you to contact me, by the way I think Obama memorised his speech, first Black american president first speech, dont you want to memorise that.

ஸ் ஸ் ஸ் ஸ் ஸ் .................
என்ன................. ஒரு சுகம்

nallathan erukku ..........Hee hee

Mano

Thabotharan said...

This is to Mano,
yes please send me an email or give me yours.

We can talk.

Cheers,
Thabotharan K

Goban said...

எல்லாம் சரிதான், போகிற புஷ்க்கு சோத்தைப் போட்டுட்டு அனுப்பியிருக்கலாமே...

LOSHAN said...

//பொறுமையாக அழகாக இருந்தது உங்கள் வர்ணனை..//
நன்றி செய்யது..
//விழாவில் ஒபாமா ஆடிய நடனத்தை மறந்து விட்டீரே !!!!//
நடனம் எல்லாம் தொலைக்காட்சியில் பார்க்கக் கிடைக்கவில்லை..அடுத்த நாள் இணையத் தளங்களில் தான் பார்த்தேன்.. :)

KVR,
//சன் நியூஸ்ல லைவ் ஓடுச்சே!!//
இலங்கையில் சன் செய்திகள் எங்களுக்குப் பார்க்க முடியாதே.. வெட்டிட்டாங்க.. (அந்த உண்ணாவிரத லைவுக்குப் பிறகு!)

Mathu.. //Oh wow he is left-handed! :D Sorry, I was a bit over-excited when I saw the pic of him signing :)//
like Obama, u too lefty? :) But that will not make our thalaivithi any better.. ;)

இர்ஷாத் -
//அண்ணா அமெரிக்காவுல பதவியேற்பு நாள் ஒரு விடுமுறை நாளுங்கண்ணா //
இல்லீங்கண்ணா.. அங்கே இருக்கும் நண்பர்களிடம் கேட்டுப் பார்த்து தான் போட்டேன்.. :)

//"அரசியல், நாகரிகப் , பாடம்" அப்பிடீன்னா என்ன என்று நம்ம அரசியல்வாதிகள் கேக்குறாங்க !//
அவங்க இது மட்டுமா கேப்பாங்க.. ;)

// கனவான் உடை நடை பாவனைகளில் மக்களை வென்று விட்டார்.. அமெரிக்கர் மாதிரி ஒரு கனவான் விவாதம் நடத்தவாவது இங்கு முடியுமா?//
கனவானா? யாருங்க அது? சத்தியவானோட தம்பியா? இல்லை வெள்ளை வான் மாதிரி இன்னொன்றா? ;)

Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner

Certified