September 02, 2022

பொன்னியின் செல்வன் - ஒலி நூல்

பொன்னியின் செல்வன் - என் பால்ய வயதுக் கனவு அது. என் கனவுகளில் எனக்கு double acting.
வந்தியத்தேவனும் நானே; அருண்மொழிவர்மனும் நானே..
திரைப்படமாக வந்தால்..
அப்படி ஒரு கற்பனை வந்தால் அந்த வயதிலேயே ஒரு பயமிருந்தது. என் கற்பனைகளை சிதைத்துவிடுமோ என்று..
ஆனால் முன்னைய அரச படங்கள் பார்த்து MGRஉம் பின் கமல்ஹாசனும் முயன்று பார்த்திருக்கலாமே என்றும் எண்ணியிருப்பேன்.
வளரும் காலத்தில் நானும் நாடகங்களில் நடிக்கும்போது - இலங்கை வானொலியின் நாடகங்களிலும் ஒரு சில இலக்கிய நாடகங்களில் நடித்தபோது கூட இந்தப் பிரம்மாண்டத்தைப் பற்றிய எண்ணம் ஏக்கமாக வரும்.
பின் எழுத்திலக்கியமாகவே இருக்கட்டும் என்று எண்ணியிருப்பேன்.
இந்த இணையக்காலம் ஆரம்பித்தது முதல், YouTubeஇல் audiobooks ஆரம்பித்தது தொட்டு இடையிடையே இந்த பொன்னியின் செல்வன் ஆசை வரும்..
பலர் வாசித்தே சாகடித்திருக்கிறார்கள்.
சிலவற்றில் உயிர்ப்பு இருக்காது.
வாசிக்கத் தோன்றும் நேரங்களில் pdf இல் இறக்கி மீண்டும் மீண்டும் வாசித்து பரவசப்படுவதோடும் மனைவியோடும் நண்பர்களோடும் பகிர்ந்து ரசிப்பதோடும் சரி.
தம்பி செந்தூரன் சில நூல்களை இவ்வாறு ஒலிவடிவில் பதியுமாறு பல தடவை கேட்டும் அலுவலகக் கட்டுப்பாடு காரணமாக செய்ய மறுத்துவிட்டேன்.
ஆசையில் சில பாரதி கவிதைகள், புதுவையின் கவிதைகள், சுஜாதாவின் சிறுகதை ஒன்று என்று பதிந்து நானே ரசித்ததோடு சரி.
இப்போது மணிரத்னம் PS1 ஓடு வர, ரஹ்மானின் பொன்னி நதி பாட்டை வெளியிட அதைப் பற்றி ஒரு காணொளி பதிவு செய்யும்போது சரேலெனத் தோன்றிய எண்ணத்தை நான் சொல்ல, அதைப் பார்த்த இன்னும் சிலர் கேட்க (அதற்கு முன்னரும் பொன்னியின் செல்வனை என் குரல் வழியாகக் கேட்டிருந்த சில நண்பர்க்கும் நன்றி)
சரி கிடைக்கும் நேரத்தில் இதற்கும் கொஞ்சம் ஒதுக்குவோம் என்று ஆரம்பித்துவிட்டேன்.
ராஜமௌலி, சங்கர், மணி பட்ஜெட் எல்லாம் கிடையாது.
கல்கியின் தமிழும் என் குரலும் தூக்கத்தை இன்னும் கொஞ்சம் சுறுக்குவதும் கொஞ்சம் தொழிநுட்பமும் தான் இதன் முதலீடு.
இதில் நான் வந்தியத்தேவன், அருண்மொழிவர்மன் மட்டுமன்றி நானே தான் பழுவேட்டரையர், ஆழ்வார்க்கடியான், ஏன் குந்தவை, வானதியும் கூட...
கல்கி அவர்களின் தமிழுக்கு எந்தவொரு இழுக்கும் வராமலும் முன்பே வாசித்த, இன்னும் வாசிக்காதோருக்கும் எந்தவொரு சங்கடத்தையும் ஏற்படுத்தாமலும் என்னால் முடிந்தவரை நேர்த்தியாக, ஒளித்தெளிவில் நிறைவாக வழங்க முயன்றுள்ளேன்.

முதலாவது அத்தியாயத்துக்கு இதுவரை வந்துள்ள கருத்துக்கள் பாராட்டுக்களாகவும், ஊக்கப்படுத்தும் விதமாகவும் வந்திருக்கின்றன.
மகிழ்ச்சி.
உங்கள் கருத்துக்கள், விமர்சனங்கள் இன்னும் சீர்ப்படுத்தும்.
இதோ...
வந்தியத்தேவனின் பயணத்தில் புது வெள்ளத்தில் நீந்தி ஆடித்திருநாள் காண .. அல்ல அல்ல கேட்க அழைக்கிறேன்.
காணொளி இணைப்பு :
பொன்னியின் செல்வன் - Ponniyin Selvan - Audio Book | Volume 1 Chapter 1 புதுவெள்ளம் - ஆடித்திருநாள்

நண்பர்க்கு இன்னொரு அறிவித்தலும் உண்டு. podcast வழியாகவும் பொன்னியின் செல்வன் ஒலி நூலைப் பதிந்துள்ளேன். ஆர்வமுள்ளவர்கள் ரசிக்க :
https://anchor.fm/arvloshan/episodes/--Ponniyin-Selvan---Audio-Book--Volume-1-Chapter-1----e1n4bo3

March 06, 2022

Shane Warne - எனக்கு ராஜாவா நான் வாழுறேன் - இறந்த பின்பும் !

 Shane Warne !

1990களில் அவுஸ்திரேலியா அங்கொன்றும் இங்கொன்றுமாக அரைகுறை சுழல்பந்துவீச்சாளரை அறிமுகப்படுத்தி வந்திருந்த காலத்தில், ‘யார்ரா இது ?’ என்று ஆச்சரியப்படுத்திய ஒருவர்.
கொழும்பு SSC மைதானத்தில் 1992 டெஸ்ட் போட்டி - 16 ஓட்டங்களால் அவுஸ்திரேலியா வெற்றி பெறுவதற்கு இறுதி இன்னிங்ஸில் வோர்னின் மூன்று விக்கெட்டுகள் மிக முக்கியமானவையாக அமைந்தன.
மைதானம் சென்று பார்த்த அந்தப் போட்டியில் வோர்ன் என்ற இந்தப் புதியவரின் சுழல், எனக்கு மிகப்பிடித்த அலன் போர்டர் இவரைக் கையாண்டு, தட்டிக்கொடுத்த விதம் ஆகியவற்றோடு ஈர்ப்பொன்று ஏற்பட்டது.


அத்தனை காலமும் அதிகமாக off spin வீசிய நான் leg spin ஐ டென்னிஸ் பந்து கிரிக்கெட்டிலும் - எத்தனை அடி விழுந்தாலும் - போட ஆரம்பித்தது வோர்னின் தாக்கத்தில்.
அப்துல் காதிருக்குப் பிறகு சர்வதேச கிரிக்கெட்டிலும் சில காலமாக அருகி வந்திருந்த லெக் ஸ்பின் பந்துவீச்சை மீண்டும் உயிர்ப்பித்த மூவர் வோர்ன், கும்ப்ளே, முஷ்டாக் அஹ்மட்.
இதில் வோர்னுக்கு வாய்த்தது ‘சுழல் பந்து’ என்று துண்டுக் காகிதத்திலேயே எழுதிப்போட்டாலும் சுருண்டுவிடக்கூடிய இங்கிலாந்து அதிகமான போட்டிகளில் வோர்னிடம் மாட்டியது.
ஆனாலும் வோர்ன் Gatting க்கு போட்ட ball of the century, Straussஐ மிரட்டிய sharp turner, 1994 Ashes Boxing Day hat trick இதெல்லாம் King special கள்.
நாக்கைக் கடித்து பந்தை அசாதாரண திருப்புகோணத்தில் மணிக்கட்டினால் சுழற்றுவது, வோர்ன் special wrong un, பல வேகப்பந்துவீச்சாளரின் stockballs ஐ விட வேகமான flipper என்று வோர்ன் எந்த formatஇல் பந்துவீச வந்தாலும் ஒரு பரபர தான். (Warne க்காகவே YouTube இல்லாத காலத்தில் எத்தனை போட்டிகளின் highlights உட்கார்ந்து இருந்து ஒவ்வொரு பந்தாகப் பார்த்திருப்பேன்)
கும்ப்ளேயும் முஷ்டாக்கும் ஒருநாள் போட்டிகளில் கலக்கியிருந்தாலும், டெஸ்ட் போட்டிகளை வெல்வதற்கு பிரம்மாஸ்திரமாக லெக் ஸ்பின்னை பயன்படுத்த நிரூபணம் ஆனவர் ஷேன் வோர்ன் தான்.
அவர் உருவாக்கிய ஒரு legacy, பல அணிகளுக்கும் ஒரு blue print ஆனது.
708 டெஸ்ட் விக்கெட்டுகள், 300ஐ அண்மித்த ஒருநாள் விக்கெட்டுகள் - தேவையான போது அதிரடி துடுப்பாட்டம், slip மற்றும் close in சிறப்பு களத்தடுப்பு, தலைமைத்துவத்துக்கு தேவையான கூர்மதி & ஆராயும் ஆழமான விளையாட்டு ஞானம்.
சாதனைகளோடு சேர்த்து சர்ச்சைகளையும் சம்பாதித்துக்கொண்டதனால் வோர்னுக்கு அவுஸி டெஸ்ட் தலைமை கிடைக்காமலே போனது.
அவுஸ்திரேலிய அணிக்கு கிடைக்காமல் போன மிகச்சிறந்த ஒரு தலைவர்.
பின்னாளில் franchise அணிகளுக்குத் தலைமை தாங்கியபோது இளையோரை ஊக்குவித்தும் புதுமைகளையும் வெற்றிக்கான உத்வேகத்தையும் புகுத்தி தன்னை நிரூபித்திருந்தார்.
Healy - Warne “bowling Warnie” இணைப்பு, வோர்னின் பந்துவீச்சில் டெய்லரின் பிடிகள், மக்ராவுடனான deadly combination,
Lara, Sachin ஆகியோரோடு வோர்னின் மோதல்கள், முரளியோடு இருந்த போட்டி, அர்ஜுன, இலங்கை ரசிகரோடு இருந்த விரோதமும் வசவுகளும் மறக்கமுடியாதவை.
52 வயதில் கிரிக்கெட்டில் தொடவேண்டிய சிகரங்களையும் தொட்டு, எவன் என்ன சொன்னாலும் வாழ்க்கையை தன் இஷ்டப்படி வாழ்ந்து தீர்க்கவேண்டும் என்று ‘வாழ்ந்து’ போயிருக்கிறார் King Warne.
இன்னும் கொஞ்சம் தன்னை சீர்ப்படுத்தி, தனக்கும் கிரிக்கெட்டுக்கும் இன்னும் அதிகம் வழங்கியிருக்கலாம்.
ஆனால் அவரது ஆரம்பம் முதல் இறுதிவரை - எனக்கு ராஜாவா நான் வாழுறேன் - பாணி வாழ்க்கையில் யார் என்ன சொல்ல ?
இனியும் கிரிக்கெட்டில் பலர் வரலாம், சாதனையாளராகவும் மாறலாம். ஷேனின் 708ஐயும் முந்தலாம்.
ஆனால் மெல்பேர்ன் மைதானத்தில் ஓங்கி நிற்கப்போகும் King S.K.Warne stand போல Warne legacy என்றும் நிலையானது.
போய் வா சுழல் மன்னனே.
#ShaneWarne YouTube இல் நேரலையாக ஷேன் வோர்ன் பற்றி பகிர்ந்தது : https://www.youtube.com/watch?v=8e-g9siqV4I

January 11, 2021

சிட்னி டெஸ்ட் - இந்தியாவின் போராட்டம் தவிர்த்த தோல்வி, அவுஸ்திரேலியாவுக்கு தோல்வி !

 தோல்வியைத் தவிர்ப்பதே சில நேரங்களில் வெற்றி தான் !

அதை இன்று இந்தியா போராடிச் செய்திருக்கிறது.



மூன்று வீரர்கள் காயம்.
அவுஸ்திரேலியாவின் படுபயங்கர பந்து வீச்சு வரிசை, இறுதிநாள் சிட்னி ஆடுகளம், பொல்லாத அவுஸ்திரேலிய வீரர்களின் வாய்கள்..

இதையெல்லாம் தாண்டி மூன்று விக்கெட்டுக்களை மட்டுமே இறுதி நாளில் இழந்து, இன்று சமநிலையில் முடித்தது சரித்திரத்தில் ஒரு பெரிய சாதனை தான் !

Rishabh Pant ஆடுகளத்தில் இருந்தபோது நான் நினைத்தேன், இந்தியா ஒரு சரித்திரபூர்வ வெற்றியைப் பெறப்போகிறது என்று.

Adversity brings out the best in man
இக்கட்டான சூழ்நிலைகள் தான் சரித்திர நாயகர்களை உருவாக்குகிறது.
Pant இன்று அவ்வாறு தான் தெரிந்தார்.

எதற்கும் அஞ்சாமல் ஆடிய விதம் அவுஸ்திரேலிய வீரர்களை நிச்சயம் பயமுறுத்தியிருக்கும்.

Pant விக்கெட் காப்பில் தான் விட்ட பிடிகளை, தனது ஓட்டைக் கைகளை எல்லாம் இன்றைய அதிரடித் துடுப்பாட்டம் மூலமாக முழுதுமாக அழித்துவிட்டார்.

புஜாராவின் வழமையான பொறுமையான ஒட்டல் பாணி இந்திய ரசிகர்களாலேயே நக்கல் செய்யப்படுவதுண்டு. ஆனால் இன்று பாண்டுக்கு ஏற்ற அற்புதமான இணையை வழங்கியிருந்தார்.

ஜடேஜாவும் முழுமையாக ஆரோக்கியமாக இருந்திருந்தால் பாண்டின் அதிரடியோடு இந்தியா வெற்றிக்கு கொஞ்சமாவது முயன்றிருக்கும் என நம்புகிறேன்.

இதே போல 406 என்ற இலக்கை இந்தியா 44 ஆண்டுகளுக்கு முன்னர் Port of Spainஇல் துரத்தி வென்றது இரண்டு தசாப்தகாலமாக டெஸ்ட் சாதனையாக இருந்ததும் நினைவுபடுத்தவேண்டியது.
(அந்தப் போட்டி கிரிக்கெட்டின் போக்கையே முற்றுமுழுதாக மாற்றியது வேறு கதை என்று அப்பா அடிக்கடி சொல்வார்.
அந்தத் தோல்வி தான், அந்தப் போட்டியில் மூன்று சுழற்பந்து வீச்சாளரைக் கொண்டு ஆடிய மேற்கிந்தியத் தீவுகள் Fast bowlingஐத் தமது ஆயுதமாக தெரிந்தெடுக்கக் காரணமாக அமைந்ததாம்

ஆனால் ஐந்து விக்கெட் இழக்கப்பட்ட பிறகு 250+ பந்துகள் விஹாரியும் அஷ்வினும் போராடியது இந்தியாவுக்குப் புதிய அனுபவம் தான். (அதுவும் அவுஸ்திரேலியாவின் படுபயங்கர sledgingஐயும் தாண்டி)
விஹாரி தனது தெரிவை நியாயப்படுத்தியிருக்கிறார்.
அஷ்வின், தான் ஏன் இந்தியாவின் முதலாவது Test தெரிவாக இருக்க வேண்டும் என்பதை மீண்டும் துடுப்பின் மூலமாகவும் காட்டியிருக்கிறார்.

நான் வழமையான அவுஸ்திரேலியாவின் ரசிகன் தான்.
ஆனால் இன்று மிக முக்கியமாக அணித்தலைவர் பெய்னின் மோசமான நடத்தைகள், அணுகுமுறைகளுக்காகவே இந்தியா (வெல்லாது என்று தெரியும்) தோல்வியைத் தவிர்க்கவேண்டும் என்று விரும்பினேன்.
அதிலும் பேயன் (ஊப்ஸ் பெயின்) விட்ட பிடிகளே இந்தப் போட்டியை அவுஸ்திரேலியா வெல்லாமல் போக பிரதானமான காரணங்கள் என்பேன்.
ஸ்மித் பாண்டின் Guard தடங்களை வேண்டுமென்றே அழித்ததாக இந்திய ரசிகர்கள் பகிர்ந்து வரும் படங்களை பார்த்தேன். Smith cheater என்று மீண்டும் ஆரம்பித்துள்ளார்கள்.

ஸ்மித் அதை வேன்றுமென்றே செய்திருந்தால், அதன் மூலம் போட்டியின் முடிவை மாற்ற எத்தனித்திருந்தால் அதையும் கண்டிக்கவே வேண்டும்.

சுவர் ராகுல் டிராவிட்டின் பிறந்தநாளை இன்னொரு டிராவிட்டினால் இப்போது வழிநடத்தப்படும் இந்தியா இதை விடச் சிறப்பாகக் கொண்டாடியிருக்க முடியாது.

அவுஸ்திரேலியாவுக்கு நிச்சயமாக இது ஒரு தோல்வியே தான் !

என்ன, சின்னக் கவலை ஸ்மித் மீண்டும் க்குத் திரும்பிக் காட்டிய இரண்டு இன்னிங்ஸ் சாகசங்கள், Labuschagne, Greenஇன் ஆட்டங்கள், கமின்ஸின் முதல் இன்னிங்ஸ் நெருப்புப் பந்துவீச்சு எல்லாம் வீணானதே என்பது தான்.

ஆனால் அது தான் டெஸ்ட் !
Tests your perseverance.

தொடரின் முடிவைத் தீர்மானிக்கும் இறுதி டெஸ்ட் போட்டி அவுஸ்திரேலியாவின் கோட்டை என்று அழைக்கப்படும் Gabba, பிரிஸ்பேனில்.

இந்தியாவின் காயம் + உபாதை லிஸ்ட் பெரிசு என்பதால் இதே போராட்டத்தைக் கொடுக்க முடியுமா என்ற சந்தேகம் இருந்தாலும், ரஹானேயினால் உந்தப்படும் இந்த அணி இறுதிவரை போராடும் என்றே தெரிகிறது.

ரஹானேயின் தலைமையில் இன்னமும் இந்தியா ஒரு டெஸ்ட் போட்டியிலும் தோற்கவில்லை.
Ajinkya Rahane, still undefeated as a captain in Test cricket
#AUSvIND

இதே நெருப்பில் பாதியையாவது நம்ம அணி எமது கோட்டை காலியில் காட்டுமாக இருந்தால்....
பொங்கல் சும்மா பொங்கி களைகட்டும் எமக்கு.
#SLvENG 1st Test - 14th
Related Posts Plugin for WordPress, Blogger...

ரசிக்க,சுவைக்க,சிரிக்க - கிளிக்குங்க..


View My Stats

Subscribe via email

Enter your email address:

Delivered by FeedBurner